कृषिक अँप Krushik app

2022-06-17 15:13:35 आजचा कृषी सल्ला
सोयाबीन
खत व्यवस्थापन
भरखते- शेवटच्या कुळवणीच्या पाळीपूर्वी एकरी २ टन शेणखत किंवा कंपोस्ट खत जमिनीत चांगले मिसळावे. शेणखतामुळे जमीन चांगली भुसभुशीत राहते. पिकाच्या मुळ्या खोलवर जाऊन पिकाची जोमदार वाढ होण्यास मदत होते.
वरखते- सोयाबीन पिकास प्रति एकरी २० किलो नत्र (४४ किलो युरिया), ३० किलो स्फुरद (१८८ किलो सिंगल सुपर फॉस्फेट) आणि १८ पालाश (३० किलो म्युरेट ऑफ पोटॅश) पेरणीच्या वेळी जमिनीत मिसळून किंवा चाड्याच्या पाभरीने खते व बियाणे एकाच वेळी पेरून द्यावीत. पेरणीनंतर नत्रयुक्त खतांचा वापर टाळावा.
राज्यातील जमिनींमध्ये गंधक, लोह, जस्त व बोरॉन या अन्नद्रव्यांची कमतरता दिसून येते. जेथे माती परिक्षण झाले नाही, अशा ठिकाणी दोन ते तीन वर्षांतून एकदा गंधक ८ किलो, झिंक सल्फेट ८ किलो, फेरस सल्फेट ८ ते १० किलो आणि बोरॅक्स २ किलो प्रति एकर पेरणीच्या वेळी जमिनीतून द्यावे.
माती परीक्षण अहवालानुसार खत व्यवस्थापन करणे फायदेशीर ठरते.
कापूस
खत व्यवस्थापन
भरखते- कोरडवाहू कपाशीसाठी २ टन व बागायती कपाशीसाठी ४ टन चांगले कुजलेले शेणखत किंवा कंपोस्ट खत शेवटच्या कुळवणीपूर्वी शेतात मिसळून द्यावे. परिणामी जमिनीतील सूक्ष्म अन्नद्रव्यांची उपलब्धता वाढते.
वरखते– कोरडवाहू बीटी कपाशीसाठी पेरणीसोबत रासायनिक खतांची मात्रा १२:१२:१२ किलो नत्र, स्फुरद व पालाश प्रति एकर (म्हणजेच २६ किलो युरिया, ७५ किलो सिंगल सुपर फॉस्फेट, १९ किलो म्युरेट ऑफ पोटॅश) द्यावी. पेरणीनंतर ३० दिवसांनी १२ किलो नत्र प्रति एकर (म्हणजेच २६ किलो युरिया) द्यावा.
बागायती बीटी कपाशीसाठी पेरणीसोबत रासायनिक खताची मात्रा १६:२४:२४ किलो नत्र, स्फुरद व पालाश प्रति एकर (म्हणजेच ३५ किलो युरिया, १५० किलो सिंगल सुपर फॉस्फेट, ३९ किलो म्युरेट ऑफ पोटॅश) द्यावे. पेरणीनंतर ३० दिवसांनी १६ किलो नत्र प्रति एकर (म्हणजेच ३५ किलो युरिया) आणि पेरणीनंतर ६० दिवसांनी १६ किलो नत्र प्रति एकर (म्हणजेच ३५ किलो युरिया) द्यावा.
रासायनिक खत मात्रा माती परीक्षणानुसार देणे अधिक योग्य आहे.
माती परीक्षण अहवालानुसार मॅग्नेशिअम, झिंक, बोरॉन यांपैकी ज्या अन्नद्रव्याची कमतरता आहे, ते देण्याचे नियोजन करावे. उदा. आवश्यकतेनुसार जमिनीतून द्यावयाचे एकरी प्रमाण: मॅग्नेशिअम सल्फेट ८ किलो, झिंक सल्फेट १० किलो व बोरॉन २ किलो. फुले लागणे व बोंडे पक्व होण्याच्या वेळी मॅग्नेशिअम सल्फेट ०.५ टक्के (५ ग्रॅम प्रति लिटर पाणी) प्रमाणे फवारणी करावी.
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-06-17 08:03:30 कोकणात पाऊस वाढणार; राज्याच्या इतर भागांतही पावसाला पोषक हवामान

सौजन्य : अॅग्रोवन
दिनांक : 17-Jun-22
पुणे : मॉन्सूनने जवळपास संपूर्ण महाराष्ट्र व्यापला असतानाच अद्यापही राज्यात पावसाने जोर धरलेला नाही. मॉन्सून दाखल झाल्यानंतर अनेक भागात पावसाने उघडीप दिली आहे. आज (ता. १७) कोकणात पाऊस वाढण्याची शक्यता आहे. राज्यातही पावसाला पोषक वातावरण होत आहे. विदर्भात वादळी पावसाचा, तर उर्वरित राज्यात हलक्या पावसाचा अंदाज हवामान विभागाने वर्तविला आहे.
राजस्थान आणि परिसरावर चक्राकार वाऱ्यांची स्थिती आहे. पूर्व हरियाणापासून नागालॅण्डपर्यंत हवेचा कमी दाबाचा पट्टा कायम आहे. अग्नेय बंगालच्या उपसागरात समुद्र सपाटीपासून १.५ ते ५.८ किलोमीटर उंचीवर चक्राकार वारे वाहत आहेत. उत्तर तामिळनाडूजवळ देखील चक्राकार वारे वाहत आहे. रायलसीमापासून कोमोरिन भागापर्यंत हवेचा कमी दाबाचा पट्टा तयार झाला आहे. राज्यात पावसाला पोषक हवामान होत असून, ढग जमा होऊ लागले आहेत.
राज्याच्या कमाल तापमानात चढ-उतार सुरू आहे. गुरुवारी (ता. १६) सकाळपर्यंतच्या २४ तासांमध्ये चंद्रपूर आणि गोंदिया येथे राज्यातील उच्चांकी ४० अंश सेल्सिअस तापमानाची नोंद झाली. उर्वरित राज्यात कमाल तापमान ४० अंशांच्या खाली घसरले आहे. गुरुवारी सकाळपर्यंतच्या २४ तासांमध्ये कोकण, मराठवाड्यात काही ठिकाणी मध्यम, विदर्भात अनेक ठिकाणी हलका ते मध्यम स्वरूपाच्या पावसाने हजेरी लावली आहे.
गुरुवारी (ता. १६) सकाळपर्यंतच्या २४ तासांत राज्याच्या विविध भागात पडलेला पाऊस, मि.मी.मध्ये ( स्रोत : हवामान विभाग) : कोकण : पालघर २६, अलिबाग ४१, मुरूड २९, तळा २६, रत्नागिरी २६, रामेश्वर ४२
मराठवाडा : किनवट ३६, माहूर ४०, उमरी ३३
विदर्भ : ब्रह्मपूरी ३२, चिमूर २२, सिरोंचा २१, नरखेडा २१, समुद्रपूर २२, वाशीम २०, महागाव २१
विजांसह पावसाचा इशारा (येलो अलर्ट) :
विदर्भ : अमरावती, यवतमाळ, वर्धा, नागपूर, चंद्रपूर, भंडारा, गोंदिया, गडचिरोली.
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-06-16 15:16:59 आजचा कृषी सल्ला
हळद
आंतरपीक पद्धती
हळदीचे पीक २५ टक्के सावलीमध्ये चांगले वाढते. तूर, एरंडीसारख्या पिकांचा वापर हळदीमध्ये सावलीसाठी करावा. आंतरपिके घेताना ती हळद पिकापेक्षा उंचीने कमी, तसेच पसाऱ्याने कमी जागा व्यापणारी असावीत. हळदीची मुळे आणि निवडलेल्या आंतरपिकाची मुळे जमिनीत एका खोलीवर येणार नाहीत याची खबरदारी घ्यावी. हळद लागवड केल्यापासून ३ ते ३.५ महिन्यांनी फुटवे येऊन कंद पोसण्यास सुरवात होते. हळकुंडे येण्याच्या कालावधीपूर्वी आंतरपिकाची काढणी करणे फायदेशीर ठरते. आंतरपिकासाठी घेवडा, झेंडू, मिरची, कोथिंबीर, मेथी, तूर, उडीद, मूग या पिकांची निवड करावी. मका हे पीक हळदीमध्ये घेऊ नये. कारण मक्‍यामुळे हळदीच्या उत्पादनामध्ये १५ ते २० टक्के घट येते.
भात
स्वयंचलित यंत्राने भात लागवडीसाठी मॅट टाईप रोपवाटिका
मॅट टाईप रोपवाटिका करताना साधारणपणे १.२ मीटर आकाराचे गादीवाफे तयार करावेत. या गादीवाफ्यावर ५० मायक्रॉन जाडीचा प्लॅस्टिक कागद अंथरावा. पाण्याचा निचरा होण्यासाठी त्याला ठिकठिकाणी छिद्रे पाडावीत. २५ मि.मी. रुंदीच्या लोखंडी पट्टीपासून बनवलेली १ x १ मीटर आकाराची चौकट या कागदावर ठेवावी. त्यात १:१:१ या प्रमाणात चांगले चाळून घेतलेले शेणखत, माती व वाळू यांचे मिश्रण भरावे. ते एकसारखे करावे. एका चौकटीसाठी ५०० ग्रॅम या प्रमाणात प्रक्रिया केलेले व मोड आलेले बियाणे पेरावे. झारीने पाणी शिंपडावे. नंतर पेंढ्याने झाकून घ्यावे. तीन ते चार दिवसांनी पेंढा काढून घ्यावा. ट्रेमध्ये रोपे तयार करण्यासाठी वरीलप्रमाणे माती, खत भरून बी पेरावे. रोपवाटीकेतील रोपांना दररोज आवश्यकतेनुसार पाणी द्यावे. १५ दिवसांनी रोपवाटीकेत १ टक्के युरिया-डीएपी खत किंवा १९:१९:१९ पाण्यात मिसळून फवारणी करावी. मॅट टाईप रोपवाटिका तयार होण्यास २२-२६ दिवस लागतात. लावणी करताना रोपे १५ सें.मी. उंच आणि ३ ते ४ पानांची झालेली असावीत.
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-06-16 10:22:16 मराठवाड्यात मॉन्सूनची प्रगती

सौजन्य : अॅग्राेवन
दिनांक : 16-Jun-22
पुणे : नैर्ऋत्य मोसमी वाऱ्यांचा (मॉन्सून) मजल-दरमजल प्रवास सुरूच आहे. मॉन्सूनने बुधवारी (ता.१५) मराठवाड्याच्या आणखी काही भागात प्रगती केली आहे. शनिवारपर्यंत (ता. १८) मॉन्सून विदर्भाच्या काही भागात दाखल होण्याची शक्यताही हवामान विभागाने वर्तविली आहे.
दहा जून रोजी कोकणात प्रवेश करणारा मॉन्सून ११ जून रोजी बहुतांशी कोकण, मध्य महाराष्ट्राच्या दक्षिण भागात दाखल झाला. तर सोमवारी (ता. १३) मॉन्सूनने संपूर्ण कोकणसह, मध्य महाराष्ट्र, मराठवाड्याच्या बहुतांश भागापर्यंत टप्पा गाठत निम्मा महाराष्ट्र व्यापला. तर बुधवारी (ता. १५) दक्षिण भारतातील राज्यांमध्ये प्रगती करत मराठवाड्याच्या आणखी काही भागात मॉन्सून दाखल झाला.
मॉन्सूनने संपूर्ण कर्नाटक, रायलसीमा आणि तमिळनाडू व्यापून, तेलंगणा, सिमांध्रच्या काही भागासह बंगालच्या उपसागरातही प्रगती केली आहे. तर वाटचालीस पोषक हवामान असल्याने शनिवारपर्यंत (ता. १८) मॉन्सून विदर्भाच्या काही भागासह तेलंगाणा, सिमांध्रचा आणखी काही भाग, ओडिशा, झारखंड, पश्चिम बंगाल आणि बिहारमध्ये देखील पोचण्याची शक्यता हवामान विभागाने वर्तविली आहे.
विदर्भ, मराठवाड्यात वादळी पावसाची शक्यता : राज्याच्या निम्म्या भागात मॉन्सून दाखल झाला आहे. या भागात ऊन-सावल्यांचा खेळ सुरू आहे. पावसाने उघडीप दिली आहे. आज (ता. १६) विदर्भ, मराठवाड्यासह मध्य महाराष्ट्रात तुरळक ठिकाणी वादळी वाऱ्यासह पावसाचा अंदाज आहे. तर कोकणात हलक्या पावसाची शक्यता हवामान विभागाने वर्तविली आहे.
पूर्व उत्तर प्रदेशापासून आसामपर्यंत हवेचा कमी दाबाचा पट्टा कायम आहे. उत्तर अरबी समुद्रात चक्राकार वारे वाहत आहेत. त्यापासून कच्छ, नैर्ऋत्य राजस्थानपर्यंत हवेचा कमी दाबाचा पट्टा सक्रिय आहे. किनारपट्टीला समांतर हवेचा कमी दाबाचा पट्टा निवळून गेला आहे. विदर्भासह पूर्व भारतातील राज्यात पूर्वमोसमी पावसाच्या ढगांची दाटी झाली आहे.
राज्याच्या कमाल तापमानात चढ-उतार सुरू आहे. बुधवारी (ता. १५) सकाळपर्यंतच्या २४ तासांमध्ये ब्रह्मपुरी येथे राज्यातील उच्चांकी ४२.१ अंश सेल्सिअस तापमानाची नोंद झाली. विदर्भात काही ठिकाणी तापमान अद्यापही चाळिशीपार आहे. मध्य महाराष्ट्र, कोकणात पावसाने दडी मारली असली तरी मराठवाडा आणि विदर्भात अनेक ठिकाणी वादळी वाऱ्यासह पूर्वमोसमी पावसाने हजेरी लावली आहे.
बुधवारी (ता. १५) सकाळपर्यंतच्या २४ तासांत राज्याच्य�� विविध भागांत पडलेला पाऊस, मिलिमीटरमध्ये (स्रोत : हवामान विभाग) : कोकण : श्रीवर्धन, रत्नागिरी प्रत्येकी १०
मध्य महाराष्ट्र : इंदापूर २०, सांगोला १०
मराठवाडा : कळमनुरी ४०, केज, औसा, बीड प्रत्येकी ३०, रेणापूर, सोनपेठ प्रत्येकी २०. धारूर, ओंढा नागनाथ, हदगाव, लातूर, उमरी, शिरूर अनंतपाळ, जाफराबाद प्रत्येकी १०
विदर्भ : रिसोड, अमरावती प्रत्येकी ३०, नरखेडा, झारीझामणी, राळेगाव प्रत्येकी २०, वरूड, चांदूरबाजार, धामणगाव रेल्वे, मंगरूळपीर, ब्रह्मपुरी, तिवसा, रामटेक, घाटंजी, देवळी, उमरेड, सिंदखेडराजा, पांढरकवडा, पारशिवनी, भातकुली, मौदा, गोंडपिंपरी, कोर्पणा, आर्वी, दारव्हा, चांदूर रेल्वे प्रत्येकी १०
विजांसह पावसाचा इशारा (येलो अलर्ट) :
मध्य महाराष्ट्र : नगर, पुणे
मराठवाडा : उस्मानाबाद, लातूर, परभणी, हिंगोली, नांदेड
विदर्भ : अमरावती, यवतमाळ, वर्धा, नागपूर, चंद्रपूर, भंडारा, गोंदिया, गडचिरोली
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-06-15 15:19:23 आजचा कृषी सल्ला
कांदा-लसूण
कांद्याची सड आणि कोंब येणे या समस्या उद्भवू नयेत, यासाठी साठवणुकीतील कांद्यांवर नियमित देखरेख ठेवावी. सडलेले, पिचलेले कांदे तात्काळ काढून टाकावेत. चाळीत हवा खेळती राहील याची व्यवस्था करावी. चाळीतील कांद्याची उंची ४ ते ५ फुटांपेक्षा जास्त असू नये. उंची वाढल्यामुळे तळातील कांद्यावर वजन वाढते. हवा खेळती राहत नाही. पाखीची रुंदीदेखील ४ ते ४.५ फुटांपेक्षा जास्त असू नये. रुंदी वाढवली तर वायुविजन नीट होत नाही. थरातील मध्यावरील कांदे सडतात. लसणाच्या गड्ड्या पातीसह हवेशीर चाळींमध्ये लटकवून किंवा वरच्या दिशेने निमुळते होत गेलेले वर्तुळाकार ढीग करून साठवून ठेवाव्यात.
टोमॅटो
सापळा पिके
टोमॅटो पिकात फळ पोखरणाऱ्या अळीचा प्रादुर्भाव कमी अधिक प्रमाणात वर्षभर आढळतो. या अळीच्या नियंत्रणासाठी पिकाभोवती मक्याच्या ओळी लावल्यास या किडीचा प्रादुर्भाव कमी होण्यास मदत होते. टोमॅटो पिकात झेंडूच्या ओळी लावल्यासही या किडीचा प्रादुर्भाव कमी होतो. फुलांच्या गर्द रंगाकडे आकर्षून मादी झेंडूच्या झाडांवर अंडी घालते. याशिवाय सूत्रकृमींच्या वाढीसदेखील आळा बसतो.
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-06-14 08:52:27 ओपन / कमेंट

2022-06-14 08:52:22 सस्नेह नमस्कार,
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामती
कृषिक अॅप, यांच्यातर्फे आयोजित परिसंवाद
*“हुमणीचे एकात्मिक व्यवस्थापन”*
*फेसबुक लाइव Facebook Live* च्या माध्यमातून
*लाईव्ह ऑन*
https://www.facebook.com/krushikapp
मार्गदर्शक: डॉ. रविंद्र कारंडे
सहाय्यक प्राध्यापक,
वनस्पती रोगशास्त्र विभाग,
राजर्षि छत्रपती शाहू महाराज कृषि महाविद्यालय, कोल्हापूर
*दिनांक* - १४ जून २०२२
*वार*- मंगळवार
*वेळ* - दुपारी ३ ते ४
विनित,
कृषिक अॅप, कृषी विज्ञान केंद्र, बारामती

सदरची लिंक सर्व शेतकरी, शेतकरी उत्पादक कंपनी, शेतकरी मित्र यांच्यापर्यंत पोहचवावी ही विनंती ओपन / कमेंट

2022-06-14 07:46:39 माॅन्सूनने जवळपास निम्मा महाराष्ट्र व्यापला

सौजन्य : अॅग्रोवन
दिनांक : 14-Jun-22
पुणे : महाराष्ट्रात दाखल झाल्यानंतर नैर्ऋत्य मोसमी वाऱ्यांचा (मॉन्सून) पुढील प्रवास वेगाने सुरू आहे. मॉन्सूनने सोमवारी (ता.१३) जवळपास निम्मा महाराष्ट्र व्यापला असून, नंदूरबार, जळगाव, परभणी पर्यंतच्या भागात मजल मारली आहे. बुधवारपर्यंत (ता. १५) मॉन्सून विदर्भाच्या काही भागात दाखल होण्याची शक्यताही हवामान विभागाने (IMD)वर्तविली आहे.
गोव्याच्या उंबरठ्यापर्यंत पोचल्यानंतर महाराष्ट्रात दाखल होण्यासाठी तब्बल दहा दिवस वाट पहायला लावल्याने चिंतेचे वातावरण तयार झाले होते. १० जून रोजी कोकणात प्रवेश करणारा मॉन्सून ११ जून रोजी बहुतांशी कोकण, मध्य महाराष्ट्राचा दक्षिण भागात डेरेदाखल झाला. तर आज (ता. १३) मॉन्सूनने संपूर्ण कोकणसह, मध्य महाराष्ट्र, मराठवाड्याच्या बहुतांश भागापर्यंत टप्पा गाठला आहे. निम्म्या महाराष्ट्रासह, दक्षिण गुजरात, कर्नाटकचा बहुतांश भाग, तेलंगाणा, रायलसीमाचा काही भाग आणि तामिळनाडूच्या आणखी काही भागातही मॉन्सूनने चाल केली केल्याचे हवामान विभागाने (IMD) स्पष्ट केले.
वाटचालीस पोषक हवामान असल्याने बुधवारपर्यंत (ता. १५) मॉन्सून संपूर्ण मध्य महाराष्ट्र, मराठवाडा, कर्नाटक, तामिळनाडू व्यापून, विदर्भ, तेलंगाणा, आंध्रप्रदेश, बंगालच्या उपसागराच्या काही भागात मॉन्सून दाखल होण्याची शक्यता आहे. शुक्रवारपर्यंत (ता. १७) ओडिशा, झारखंड, पश्चिम बंगाल आणि बिहारमध्ये देखील मॉन्सून पोहोचण्याचे संकेत आहेत.
विदर्भ, मराठवाड्यात आज वादळी पावसाचा अंदाज : मॉन्सूनची वाटचाल, पूर्वमोसमी पाऊस यामुळे राज्याच्या तापमानात घट झाली आहे. मॉन्सून दाखल झालेल्या भागात जोरदार पावसाची प्रतिक्षा आहे. आज (ता. १४) विदर्भासह मध्य महाराष्ट्र, मराठवाड्यात वादळी वाऱ्यासह पावसाचा अंदाज आहे. तर कोकणात हलक्या पावसाची शक्यताही हवामान विभागाने वर्तविली आहे.
हरियाणापासून आसामपर्यंत हवेचा कमी दाबाचा पट्टा विस्तारला आहे. दक्षिण गुजरात किनाऱ्यापासून उत्तर केरळपर्यंत पश्चिम किनारपट्टीला समांतर हवेचा कमी दाबाचा पट्टा कायम आहे. पूर्वमध्य अरबी समुद्रात चक्राकार वारे वाहत आहेत. त्यापासून उत्तर मध्य महाराष्ट्र, मध्य प्रदेशपर्यंत हवेचा कमी दाबाचा पट्टा सक्रिय आहे. अरबी समुद्रासह, महाराष्ट्र, गुजरात, राजस्थान, मध्य प्रदेशात ढगाळ वातावरण तयार झाले आहे.
निम्म्या महाराष्ट्रात मॉन्सून दाखल झाला आहे. पूर्वमोसमी पावसाच्या हजेरीने कमाल तापमानात घट होऊ लागली आहे. सोमवारी (ता. १३) सकाळपर्यंतच्या २४ तासांमध्ये ब्रह्मपुरी येथे राज्यातील उच्चांकी ३९.४ अंश सेल्सिअस तापमानाची नोंद झाली. राज्याच्या सर्वच भागात कमाल तापमान चाळीशीच्या खाली आले आहे.
सोमवारी (ता. १३) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान (अंश सेल्सिअसमध्ये) : पुणे ३२.९, धुळे ३८.०, कोल्हापूर २९.६, महाबळेश्वर २२.३, नाशिक ३२.३, निफाड ३६.८, सांगली ३२.६, सातारा ३१.२, सोलापूर ३६.२, सांताक्रूझ ३२.९, डहाणू ३४.१, रत्नागिरी ३१.१, औरंगाबाद ३४.४, परभणी ३२.२, अकोला ३५.०, अमरावती ३६.०, बुलडाणा ३७.४, ब्रह्मपुरी ३९.४, चंद्रपूर ३८.०, गोंदिया ३६.६, नागपूर ३६.९, वर्धा ३८.०, यवतमाळ ३६.०
राज्याच्या विविध भागात पडलेला पाऊस (मि.मी) (स्रोत : हवामान विभाग) : कोकण : मालवण ७०, दोडामार्ग ४०, अलिबाग, सावंतवाडी प्रत्येकी २०
मध्य महाराष्ट्र : धुळे, शहादा प्रत्येकी ४०, दौंड, नांदगाव, सुरगाणा प्रत्येकी ३०, मालेगाव, सावळीविहीर, सिंधखेडा प्रत्येकी २०
मराठवाडा : अंबड ३०, खुलताबाद, बदनापूर, कन्नड, भोकरदन प्रत्येकी २०
विदर्भ : देऊळगाव राजा, सिरोंचा प्रत्येकी ३०, लोणार, बुलडाणा प्रत्येकी २०
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-06-13 13:35:46 *मृगबहार केळीचे खत व्यवस्थापन फेसबुक लाइव्ह मध्ये सहभागी व्हा*
https://www.facebook.com/Krushikapp/videos/1120141335384139/ ओपन / कमेंट

2022-06-13 09:26:55 ओपन / कमेंट