कृषिक अँप Krushik app

2022-05-24 14:46:43 आजचा कृषी सल्ला
खोडवा ऊस
ठिबक सिंचनाची सोय असल्यास, ठिबक सिंचनाची सोय असल्यास, ठिबक सिंचन संचातून ऊसासाठी पाण्याबरोबर शिफारशीत खत मात्रेच्या ८० टक्के विद्राव्य खते (८०:४०:४० नत्र, स्फुरद, पालाश किलो/ एकर) खोडवा ठेवल्यापासून प्रत्येक आठवड्यातून एकदा याप्रमाणे २६ हप्त्यांत दिल्याने ऊस उत्पादनात २८ टक्क्यांनी वाढ होऊन २० टक्के खतांच्या मात्रेत बचत होते.
खोडवा पिकासाठी ठिबक सिंचनातून देण्यासाठी विद्राव्य खतांचे वेळापत्रक (किलो/ एकर/ हप्ता)
आठवडे - युरिया - १२:६१:०० - एम.ओ.पी.
१ ते ४ आठवडे - ०६ - ०२ - १.५
५ ते ९ आठवडे - १० - ०६ - ०२
१० ते २० आठवडे - ६.५ - ४.५ - ०२
२१ ते २६ आठवडे - ०० - ०० - ०४
सुरु ऊस
उसाचे अधिक उत्पादन, पाण्याचा व खतांचा कार्यक्षम वापर आणि अधिक आर्थिक फायद्यासाठी शिफारशीत खतमात्रेच्या ८० टक्के विद्राव्य खते दर आठवड्यातून एकदा या प्रमाणे २६ हप्त्यांमध्ये ठिबक सिंचनातून द्यावीत.
सुरू ऊस पिकास ठिबक सिंचनातून विद्राव्य खते देण्याचे वेळापत्रक (प्रति आठवडा प्रति एकर)
१ ते ४ आठवडे - युरिया ६.५ किलो, १२:६१:०० १.५ किलो, एम.ओ.पी. १.५ किलो
५ ते ९ आठवडे - युरिया १२.२५ किलो, १२:६१:०० ४.२५ किलो, एम.ओ.पी. २ किलो
१० ते २० आठवडे - युरिया ८ किलो, १२:६१:०० ३ किलो, एम.ओ.पी. २ किलो
२१ ते २६ आठवडे - एम.ओ.पी. ४ किलो
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-05-24 08:08:47 हवामान विभागाचा अंदाज चुकणार? मान्सूनचा खोळंबा; पावसाला विलंब

सौजन्य : सकाळ
दिनांक : 24-May-22
मान्सून देशात दाखल होण्यास आता विलंब होण्याची शक्यता निर्माण झाली आहे. कारण मान्सून श्रीलंकेच्या वेशीवरच खोळंबला आहे. त्यामुळे २७ मेपर्यंत मान्सून केरळात दाखल होणार, हा हवामान विभागाचा अंदाज हुकण्याची शक्यता निर्माण झाली आहे. मान्सून अजूनही श्रीलंकेच्या वेशीवरच असल्याने मान्सून उशीरा भारतात पोहोचणार आहे.
आज सकाळी आणि पहाटे मुंबईच्या काही भागात पावसाच्या काही सरी बरसल्या. पण याला मान्सून म्हणता येणार नाही, तो मान्सूनपूर्व पाऊसच होता. कारण मान्सून गेल्या तीन दिवसांपासून श्रीलंकेच्या किनारपट्टीसह परिसरात अडकला आहे. त्यामुळे मान्सून २७ मे रोजी भारतात दाखल होणार असल्याचा हवामान विभागाचा अंदाज (Weather Updates) चुकण्याची शक्यता निर्माण झाली आहे.
आता जूनच्या पहिल्या आठवड्यात मान्सून केरळमध्ये दाखल होईल. त्यानंतर कोकणमार्गे महाराष्ट्र आणि मुंबई परिसरात पोहोचेल. पण तरीही यंदाचा मान्सून सकारात्मक राहणार आहे. ज्या अर्थी मान्सून वेळेच्या आधीच देशात दाखल होणार आहे, त्या अर्थी यंदा पाऊस चांगला राहणार आहे.
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-05-23 09:57:24 ओपन / कमेंट

2022-05-23 09:56:43 *टोमॅटो*
*करपा, आकसा, व्हायरस, पिवळेपणा* नियंत्रणासाठी....
आजच वापरा *प्रिव्हेंटिव्ह* *(एल)* आयुर्वेदिक स्प्रे पावडर.

*फायदे -*
पिकांची रोगप्रतिकारक क्षमता वाढवा.
अधिक फुटी, फुले व फळ धारणा.
फुल - फळ गळ नियंत्रण.

*(सर्व पिकांसाठी उपयुक्त)*
+91 9075099544
+91 9145499544

https://wa.me/919075099544 (What's app)
https://wa.me/919145499544 (What's app) ओपन / कमेंट

2022-05-23 08:11:47 *मोसमी पावसाचाप्रवास मंदावला ; राज्यात कोरडय़ा हवामानाची स्थिती*

सौजन्य : लोकसत्ता
दिनांक : 23-May-22
पुणे : अंदमानमध्ये सर्वसाधारण कालावधीच्या तुलनेत तब्बल सहा दिवस आधी दाखल झालेल्या नैर्ऋत्य मोसमी पावसाचा प्रवास सध्या मंदावला आहे. गेल्या दोन दिवसांपासून मोसमी वाऱ्यांची आगेकूच ठप्प आहे. मात्र, अंदमान, निकोबार बेटांसह पूर्वोत्तर राज्यांत सध्या जोरदार पाऊस होत असून, उत्तरेकडील राज्यातही पावसाळी स्थिती आहे. महाराष्ट्रात मात्र, गेल्या दोन दिवसांपासून बहुतांश भागात कोरडय़ा हवामानाची स्थिती आहे.
अंदमानात १६ मे रोजी दाखल झालेले मोसमी वारे बंगालच्या उपसागरात एकदिवसाआड प्रगती करीत होते. बंगालच्या उपसागरात ते १७ आणि १९ मे रोजी जागेवरच होते. दुसरीकडे १६ ते १९ मे या कालावधीत अरबी समुद्राच्या बाजूने त्यांची प्रगती नव्हती. २० मे रोजी मोसमी वाऱ्यांनी दक्षिण अरबी समुद्रात प्रवेश केला आणि त्याच दिवशी बंगालच्या उपसागरातही प्रगती केली. त्यामुळे अरबी समुद्रात त्यांची झपाटय़ाने प्रगती होण्याची शक्यता निर्माण झाली होती. मात्र, २१ आणि २२ मे रोजी मोसमी वाऱ्यांची आगेकूच झाली नाही.
महाराष्ट्रातील प्रवेशाबाबत उत्सुकता
पुणे : नैर्ऋत्य मोसमी पावसाचा प्रवास मंदावल्याने हवामान विभागाने जाहीर केलेल्या तारखांना केरळ आणि महाराष्ट्रात त्याचे आगमन होईल का, याबाबत उत्सुकता निर्माण झाली आहे. मोसमी पाऊस केरळमध्ये २७ मे, तर महाराष्ट्रात ५ जूनला प्रवेश करण्याबाबतचा अंदाज भारतीय हवामान विभागाने यापूर्वी व्यक्त केला होता.
*अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.*
https://play.google.com/store/apps/details?id=com.rtc.krushik&hl=en ओपन / कमेंट

2022-05-21 13:31:54 *मिरची खत व्यवस्थापन फेसबुक लाइव्ह मध्ये सहभागी व्हा*
https://www.facebook.com/Krushikapp/videos/318699443602264/ ओपन / कमेंट

2022-05-21 08:13:30 ओपन / कमेंट

2022-05-21 08:13:25 सस्नेह नमस्कार,

अग्रीकल्चरल डेव्हलपमेंट ट्रस्ट संचलित कृषि विज्ञान केंद्र,बारामती, कृषिक ऍप व इस्त्राईल केमिकल्स लिमिटेड (ICL) यांच्या संयुक्त विद्यमाने
“मिरची खत व्यवस्थापन ” फेसबुक लाइव्ह Facebook Live* च्या माध्यमातून
*लाईव्ह ऑन*

https://www.facebook.com/krushikapp
*मार्गदर्शक* -
श्री.संजय बिरादार,
वरिष्ठ कृषी शास्त्रज्ञ,
इस्त्राईल केमिकल्स लिमिटेड (ICL)*
*तारीख* - २१/०५/२०२२
*वार*- शनिवार
*वेळ* - दुपारी ४ ते ५

*नाव नोंदणी पुढे दिलेल्या लिंकवरुन करणे आवश्यक*
https://forms.gle/VzWzAJuqEPcK2Pez8
*विनित*
*कृषिक ऍप, कृषी विज्ञान केंद्र, बारामती*
ICL Fertilizers India ओपन / कमेंट

2022-05-20 15:33:24 आजचा कृषी सल्ला
सोयाबीन
उगवण क्षमता तपासणी
सोयाबीन हे स्वपरागसिंचीत पीक असल्याने या पिकाचे बियाणे सरळ वाणांचे आहे. त्यामुळे दरवर्षी बियाणे बदलाची आवश्‍यकता नाही. मागील दोन वर्षात पेरणी केलेल्या प्रमाणित बियाण्यांपासून उत्पादीत होणारे सोयाबीन बियाणे शेतकऱ्यांनी पेरणीसाठी वापरल्यास उत्पादन खर्च कमी होऊ शकतो. उगवण क्षमता तपासणी करण्याकरिता गोणपाट किंवा वर्तमानपत्राचा कागद वापरावा. एका ओळीमध्ये १.५ ते २ सें.मी. अंतरावर १० दाणे ठेवावेत. अशा प्रकारे १० ओळींमध्ये एकूण १०० दाणे व्यवस्थित रांगेत ठेवावे. त्यानंतर गोणपाटावर अथवा वर्तमानपत्रावर पाणी टाकून ओले करावेत. ते गोल गुंडाळून थंड ठिकाणी सावलीत ठेवावे. अधूनमधून त्यावर पाणी शिंपडत राहावे. सहा ते सात दिवसांनंतर कोंब आलेले दाणे वेगळे करून मोजावेत. जर उगवण झालेल्या बियाण्यांची सरासरी संख्या सत्तर किंवा त्यापेक्षा अधिक असेल, तर आपले बियाणे बाजारातील बियाण्यासारखेच गुणवत्तेचे आहे असे समजावे. शिफारशीप्रमाणे ते आपल्याला पेरणीसाठी वापरता येईल. उगवण झालेल्या बियाण्याची सरासरी संख्या सत्तरपेक्षा कमी असेल, तर एकरी बियाण्याचे प्रमाण त्यानुसार वाढवून पेरणी करावी. मात्र, साठ टक्क्यांपेक्षा कमी उगवणशक्ती असणारे सोयाबीन बियाणे पेरणीसाठी वापरू नये.
भात
रोपवाटीका व्यवस्थापन
पुनर्लागवड पद्धतीमध्ये उत्पादन कमी येण्याच्या कारणामध्ये रोपवाटिका व्यवस्थापनाकडे दुर्लक्ष हे अत्यंत महत्त्वाचे कारण आहे. त्यामुळे योग्य रोपवाटिका व्यवस्थापन हे फायदेशीर भात शेतीचे मूळ आहे. खरीप हंगामासाठी भाताची पेरणी १५ मे ते २५ जूनपर्यंत गादीवाफ्यावर करावी. पेरणीकरिता १ ते १.२० मीटर रुंद व ८ ते १० सें.मी. उंच आणि आवश्यकतेनुसार लांबीचे गादी वाफे तयार करावेत. एक एकर क्षेत्रावरील लागवडीसाठी ४ गुंठे रोपवाटिका पुरेशी होते. १ गुंठा वाफ्यास २५० किलो शेणखत किंवा कंपोष्ट खत आणि १ किलो युरीया खत मातीत मिसळावे. पेरणी ओळीत व विरळ करावी. रोपांच्या जोमदार वाढीसाठी पेरणीनंतर १५ दिवसांनी प्रति गुंठा १ किलो युरीया खत द्यावे. पावसाच्या अभावी व इतर कारणाने लागवड लांबणीवर पडल्यास प्रति गुंठा क्षेत्रातील रोपास १ किलो युरीयाचा तिसरा हप्ता द्यावा. योग्य पाणी व्यवस्थापन करावे. क��ड व रोग नियंत्रणाकडे लक्ष द्यावे.
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट

2022-05-20 08:39:56 पूर्वमोसमी पावसाला पोषक हवामान

सौजन्य : अग्रोवन
दिनांक : 20-May-22
पुणे : राज्याच्या कमाल तापमानात चढ-उतार सुरू असल्याने उन्हाचा चटका पुन्हा कमी झाला आहे. बहुतांशी ठिकाणी तापमानाचा पारा ४४ अंशांच्या खाली आला आहे. यातच राज्यात पूर्वमोसमी पावसाला पोषक हवामान होत असून, राज्यात वादळी वाऱ्यासह पावसाची शक्यता हवामान विभागाने वर्तविली आहे.
गुरुवारी (ता. १९) सकाळपर्यंतच्या २४ तासांमध्ये अकोला येथे ४४.१ अंश सेल्सिअस तापमानाची नोंद झाली. उर्वरित राज्यात तापमान ३० ते ४३ अंशांच्या आसपास होते. राज्यात पूर्वमोसमी पावसाला पोषक हवामान होत असून, ढगाळ हवामान होत आहे. यातच अनेक ठिकाणी जोरदार वारे वाहत आहेत. परिणामी, कमाल तापमानात घट होत आहे. आज (ता. २०) कोकण, मध्य महाराष्ट्र, मराठवाडा आणि विदर्भाच्या दक्षिणेकडील जिल्ह्यात वादळी वारे, विजांसह पावसाची शक्यता आहे.
तमिळनाडू आणि परिसरावर समुद्रसपाटीपासून ३.१ ते ७.६ किलोमीटर उंचीवर चक्राकार वारे वाहत आहेत. मराठवाड्यापासून अंतर्गत कर्नाटकपर्यंत हवेचा कमी दाबाचा पट्टा सक्रिय आहे. यातच मर्तबनचे आखात आणि म्यानमारजवळच्या समुद्रात चक्राकार वारे वाहत असून, या भागात आज (ता. २०) कमी दाब क्षेत्राची निर्मिती होण्याचे संकेत आहेत.
गुरुवारी (ता. १९) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान (अंश सेल्सिअसमध्ये) : पुणे ३८.१, धुळे ४२.६, जळगाव ४२.४, कोल्हापूर ३२.६, महाबळेश्‍वर ३०.९, नाशिक ३७.३, निफाड ३८.८, सांगली ३७.४, सातारा ३८.२, सोलापूर ४०.७, सांताक्रूझ ३४.२, डहाणू ३३.७, रत्नागिरी ३३.४, औरंगाबाद ४१.१, परभणी ३८.८, नांदेड ३९.२, अकोला ४४.१, अमरावती ४३.२, बुलडाणा ४०.४, ब्रह्मपुरी ४२.८, चंद्रपूर ४२.४, गोंदिया ४२, नागपूर ४१.८, वर्धा ४२.८, यवतमाळ ४१.
मॉन्सूनच्या प्रगतीसाठी पोषक वातावरण
नैर्ऋत्य मोसमी वाऱ्यांची (मॉन्सून) वाटचाल वेगाने सुरू आहे. सोमवारी (ता. १६) अंदमानात दाखल झालेल्या मॉन्सूनने बुधवारी (ता. १८) संपूर्ण अंदमान-निकोबार बेटसमूह व्यापला. बंगालच्या उपसागराच्या आणखी काही भागात मॉन्सून दाखल झाला आहे. उद्यापर्यंत (ता. २१) बंगालच्या उपसागराच्या आणखी काही भागासह, दक्षिण अरबी समुद्रात मॉन्सून दाखल होण्याची शक्यता आहे.
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en ओपन / कमेंट