Fataawaa NuuralHudaa

2021-01-11 13:04:34 520: Qiblaafi azaanni shii’aa keennaan akkuma tokkoo?

Gaaffii: Ganda shi’aa dalagaa warra shi’aa sani azaana isaaniitiif qiblaa isaaniillee ni shakkee maal ta’uu qabaa?

Deebisaa: Jarri qiblaa nurraa addaa qabdii hin beeku. Irra hedduun isaanii garuma qiblaa islaamaa garagalanii salaatan natti fakkaata. Ammoo azaanni keenyaaf ka isaanii bakka itti waldhabdutu jiraa bakki itti walitti galtullee ni jira. Yeroon itti azaanamullee garaagarummaa qabaatuutu mala jechu. Maaliif jennaan shi’aan tun garaagarummaa hedduu qabdi isnaa’a ashariyaatu jiraa, imaamiyaatu jiraa, zeeydiyyaadhatu jiraa, bohorattu jiraa, useeriyaatu jiraa maqaa adda addaa kana qabdi, maqaa hedduu isiin qabdu san keessaa ka ati isaan waliin dalagdu kun warra kami ani beekuu hin danda’u. Kanaafuu yeroo itti azaanan nama biyya ati jirtu sani jiru gaafadhu. Qiblaallee nama biyya ati jirtu san jiru ka shi’aa hin ta’in gaafadhu. Google seentee telefoona smartphone gaafachuu dandeetta. Azaana irratti shii’aan garaagarummaa ni qabna. Nuti woyta azaana baafnu

“Allaahu akhbar allaahu akhbar

Allaahu akhbar allaahu akhbar

Ashhadu allaa ilaaha illallaah

Ashhadu allaa ilaaha illallaah

Ashhadu anna muhammadan rasuulullaah

Ashhadu anna muhammadan rasuulullaah

Hayya alassalaah hayya alassalaah

Hayya alalfalaah hayya alalfalaah

Allaahu akhbar allaahu akhbar

Laa ilaa ha illallaah”

Isaan wayta azaanan

Allahu akbra allah akbar, Allahu akbra allah akbar

ashadu allaahu laa ilaaha illallaah ashadu allaahu laa ilaaha illallaah

ashadu anna muhammadu Rasuulallaah ashadu anna muhammadu Rasuulallaah

gariin isaanii Ashadu anna aliyyun waliyyullaahi jedhani wayta alasalaa silaa jedhanillee hayya alaa keeyrili amal jetti. Kanaafuu jechoonni azaanaa nu biraaf isaan biratti waldhabaa.

Sheikh Abdurrahmaan Shariif ओपन / कमेंट

2021-01-11 13:04:23 519: Islaama dhiisanii kaafira wojjiin jiraachuun danda’amaa?

Gaaffii: Namni lama ka islaamaatiif namni tokko ka kaafiraa yoo bakka tokko ka jiraatan taate; yoo namni islaamaa sun xiqqasho nama wallaalaa ta’e yookaa gama aqliitii nama dadhabaa yoo ta’e; namni islaamaa ka lammaffaa suni isa islaamaa kana ufirraa dhiisee ka kaafiraa sani wajjiin jiraachuu ni danda’aa?

Deebisaa: Hin danda’amu. namni islaamaa tokko nama islaamaa dhiisee nama kaafiraa godhachuun hin barbaachisu haraama. Inumaa waan diinaa islaamaa madeessattu keessa jirti jechu. Nama islaamaa tokkoof halaalaa miti obboleessa islaamaa tokkoon ooduun guyyaaa sadii oli. Namni islaamaa tokko nama kaafiraa jaalallee godhatee maxxanfatee namicha islaamaa sani jibbansa muldhisuufiin haraama. Inumaa waan diinaa isaa madeessee diinaa isaa keessaa baasuu malu fa’a. Kanaafuu hammaatullee ka islaamaa san maxxanfadhu isa jaaladhu isa san wajjiin jiraadhu. Wanni Rabbiin jedhu yaa warra Rabbitti amanee hoo yahuudaaf nasaaraa(kiristoo) jaalallee hin godhatinaa jedha. Maaliif jennaan gariin isaanii gariidhaaf jaalalleedhaa. Namni isaan maxxanfatee jaalallee godhatee isaan jaalatee isaan wajjiin islaama jibbe isaan irraa tokkoo. Diinaa isaanii fudhataa jechu. Rabbiin SW zaalimtoota hin qajeelchu. Kanaafuu hammaatullee kama islaamaa kanatu kankeetii, wallaalaa ta’ullee kama islaamaa kanatu kankeetii kama islaamaa sana maxxanfadhu ka kaafiraa irraa fagaadhu.

Sheikh Abdurahman Shariif ओपन / कमेंट

2021-01-11 13:02:33 518: Yeroo lamaa irraanfatanii allaahu akhbar yoo jedhan salaata keessa maal godhuu qabu?

Gaaffii: Namni tokko ka kophaa salaatu yoo irraanfatee sujuuda irraatti marroo lama allahu akbar jedhe marroo duraa allaahu akbar jedhee ammallee irra deebi’ee allaahu akbar jedhe. Takkaa namni imaamaa tokko yoo inni irraanfatee irra deebi’ee Allaahu akbar jedhe maaltu isarratti jira?

Deebisaa: Wayta sujuudu akkasuma ammallee wayta sujuudarraa yookaan ruku’arraa ol ka’u yoo irraanfatee Allahu akbar jedhe marroo lama iirra deebi’ee dogongora salaata keessatti argame. Garuu salaanni saniin hin badu sujuudussaawhiitu isarratti dirqama ta’a jechu. Maaliif jennaan salaata keessatti ziyaadaa Allaahu akbar marroo lama dhufeen jechu. Waan takbiirtaa marroo lama irra deddeebi’eef jecha. Nama kophaa jiru haa ta’uu takkaahuu nama imaamaa haa ta’uu yoo inni irraanfatee marroo lama irra deebi’e takkaahuu ruknii tokko marroo lama irra deebi’e salaata isaa wayta geesse sujuudusaawhii waan jedhaniin saniin gadi dhufaa jechu wayta salaata isaa irraa bahuuf deemu. Gabaabbinnatti namni salaata keessatti waa ida’e takkaa waa hiri’ise sujuudusaawhii dhufuu qaba.

Sheikh Abdurrahmaan Shariif ओपन / कमेंट

2021-01-11 13:00:39 517: Osoo heeydii qabuu sijaadaa irra taa’uu danda’aa?

Gaaffii: intalti dhalaa takka yeroo heeydiin itti dhufte huccuu ifirraa qabdu kanatti fayyadamtee yoo xahaarattee huccuu saniin salaatte takkaayuu hanga heeydii qabdu sijaadaa irra yoo teesse rakkina qabaa ?

Deebisaa: dhalaan yeroo ammaa waan isii tajaajilu ta adda addaa qabdi , haffaazaa qabdi waan isii tiysu san godhattee huccuu uffattee huccuu tana dhiigni yoo tuquu baate waa takkallee rakkoo hin qabu , xahaarattee huccuu saniin salaatuu dandeessa , si’ii heeydii qabdu sijaadaa irrallee taa’uu dandeessa .

Dr. Liwaa’ul Isalam ओपन / कमेंट

2021-01-11 13:00:39 516: Hajjii irra namni jiru rifeensa bobaa yoom murata?

Gaaffii: hajjii godhuu odoo deemuu odoo bakka miiqaataa hin gahin odoo hin hidhatin rifeensa bobaa ifirraa muree , akkasitti yoo hajjii godhe hajjiin tiyya akkam ?

Deebisaa: wonni hajjii keeysatti namarratti mahduuraataa toora sagalii yookiin kudha tokkooti waan san yoodalayde eega hidhatteen boodatti axira godhachuu, rifeensa bobaa , ka saphiidhaa, ka mataa, woma tahe haa tahuu wonni kun cuftinuu waan qalma namarratti wojjabsiisu . ammoo odoo hajjii hin hidhatiniin duratti qaama dhiqachuu saamunaa urgaawaan , qeensa cirachuu ,saphii haaddachuu waa takkallee rakkoo hin qabdu , tanaaf jecha rifeensi ati ifirraa cirte yoo hidhachuun duratti ta’e homa takkallee sirratti hin jiru. rifeensi ati ifirraa murte yoo hidhachuun duratti tahe homa takkallee sirratti hin jiru.

Dr. Liwaa’ul Isalam ओपन / कमेंट

2021-01-01 10:29:51 515: Dibatni matatti diddibatan salaata ni balleessaa?

Gaaffii: nuti dhalaan mataa kana waa diddibanna , odoo mataa kana ofirraa hin dhiqne yoo salaate maal qaba ?  

 
Deebisaa: wonni ati dibatte sun yoo waan xahaaraa tahe waa takkallee rakkoo hin qabu feetu dhadhaa addaannoo , feetu kireeba , feetu qibaatii, akka sanitti salaatuun waa takkallee sirraa hin miidhu
 
Dr. Liwaa’ul Isalam ओपन / कमेंट

2021-01-01 10:29:18 514: Hajjii bakka irraa ka’anitti deebi’uun dirqamaa? Qalmi hoo akkam?

Gaaffii : magaalaa takka irraa ka’ee obboleessa kiyya wojjiin hajjii godhee garuu hoggaan deebi’u bakka irraa dhufetti hin deebine , namni bakka irraa dhufetti hin deebi’in hajjiin isaa hin qeebalamtu naan jedhan , worri an hojjadhuuf sun maallaqa 500 natti kennanii hoggaa hajjii gootee booda re’ee qali naan jedhan. Ani re’ees hin qalle hajjii ammoo gaggeeffadhe

Deebisaa: namni bakka irraa kaatetti yoo hin deebinee hajjiin kee hin taatu namni siin jedhe sun jaahila . hajjii goote situ beeka, hajjiin sadi hajjii ifraadaa, hajjii qiraanaa , hajjii tamattu’aa jedhaniin : tamattu’aan hajjii qananiiti, qiraanni hajjii qindiiti, ifraadni hajjii kophaati. Qiraanaa fi tamattu’uni qaliinsaatu sirra jira . hajjii tamattu’aa yooniifin baatii zulqi’idaa shawwaal keessa umraa gootee takkaahuu baatii zulhijjaa keessa umraa gootee hiikkattee yoo hidhatte qaliinsatu sirra jira . akkuma san hajjii fi umraa wolitti qabdee qiraana san yoo gootes qalmatu sirra jira . ta hajjii kophaa irratti homaa sirra hin jiru . yoo ka qaliinsa irraanfatte taate bakki qaliinsaa MAKKA keessaa ala bahuu hin qabu re’ee bittee miskiinni makkaa nyaachuu qaba . nama keetitti kennitee worreen achi keessa qubatanii jiran ilmaan isaaniitiif yoo qalan irra ajrii qabda

Dr. Liwaa’ul Isalam ओपन / कमेंट

2021-01-01 10:28:51 513: Maallaqa ribaan wojjiin jiru zakaan ka irraa hin baane maal godhuu qaba?

Gaaffii: maallaqaan baankii keeysaa qaba , maallaqni kun ribaanillee wojjiin jiraa akkamiin godha ? maallaqa san yoon fuudhee miskiinaa hire hoo akkam? Zakaallee irraa baasee hin jiru maal godhuu naa woyya ?

Deebisaa : baankii ribaa qabdu keessa kaayyachuun yoo rakkoon si goote homaa hin qabu horiin narraa bada jettee. garuu ammoo baankiin cuftinuu nama gaafatti dhala feeta moo hin feetu? Hoggaa maallaqa keeysu dhala hin fedhu jedhii kaayi . yoo wollaalaan ammoo keessee horiin kun keeti dhala keeti jedhanii yoo sii kennan achitti hin dhiisin horii san fuudhi waan hin nyaanne waan hin dhuyne, bakka karaa baasan fa’a , sagaraa masjiidaa fa’a , horii halaal kiishaa kennitee ka ribaa dhaa ammoo waan akka mismaaraa fi buluuqa simintoo , qorqoorroo waan akkanaa kanniiniin goota . ulamaa’iin gariin miskiinaaf kennuutu irra caalaa achitti dhiisuu irra worra jedhantu jira. wolumaa galattuu ati achitti hin dhiisin, wonni ati achitti dhiifte sun ilmaan islaamaa addunyaa irratti miidhaa jiraa. baankii Amriikaafi orooppaafi biyya arabaa horiin akkasii kan addunyaa kanarratti maqaa uneskoo fi UN tiin kennamu ilmaan islaamaa addunyaa irratti miidhaa jira achi keessatti hin dhiisinaa bakka fakkaattutti mala godhaa. Ammoo ta horii zakaadhaa waan duraan hin beekin yoo horiin kee baankii jiraate amata shan yookaa kudhan , hisaaba maallaqa sirra jirutti osoo hanga fedhan maallaqni ka irraa bahullee tahee waan amatni irra naannawu zakaan sirra jira fknf birrii etoophiyaa 1000 irratti birrii 25 sirra jira. Akkasitti hisaaba gootee zakaa if irraa baafta waan shakkite keessatti rabbi kee araarama kadhatta.

Dr. Liwaa’ul Isalam ओपन / कमेंट

2021-01-01 10:28:23 512: Aruuztotatti aannan tufuun yookaa itti facaasuun akkam?

Gaaffii: akka aadaa teenyaatti aruuztichaa fi aruuztittii hoggaa mana isii irraa baasanii osoo mana gurbaa hin seenne hula irra dhaabbatanii aannan itti tufan, harkaanis itti facaasan wonni akkanaa kun maal jedhamti?

Deebisaa: aadaan islaamummaa keeysa hin jirre aadaa baddu , aruuza fuudhanii galchuun ibaada. Waan rabbi jaalatutti shukrii godhan malee ,bakka rabbiin itti shakkaranitti waan ma’asiyaa ta’e cufa irraa fagaachu. Wolumaa galattuu girgiraa ulaarra kaayanii ibidda fuula isaanii duratti cabsuu tahuu, dhadhaa itti dibuu tahuu , aannan obaasuu tahuu, halangaan hula irratti dhahuu san tahuu , cuftinuu waan islaamummaa keessa hin jirree . namaaf toltuu yaadaa dhabamsiisaa.

Dr. Liwaa’ul Isalam ओपन / कमेंट