2021-05-06 08:05:19
आजपासून ‘पूर्वमोसमी’ची शक्यता सौजन्य : अॅग्रोवन
दिनांक : 06-May-21
पुणे : विदर्भ ते केरळदरम्यान कमी दाबाचे क्षेत्र सक्रिय झाले आहे. मध्य महाराष्ट्र, मराठवाडा व विदर्भात उन्हाच्या चटक्यासह पावसासाठी पोषक वातावरण तयार होत आहे. त्यामुळे काही ठिकाणी अंशतः ढगाळ वातावरण राहणार आहे. आजपासून (ता. ६) पुन्हा तुरळक ठिकाणी वादळ, विजांच्या कडकडाट व गारपिटीसह हलका ते मध्यम स्वरूपाचा पाऊस पडण्याचा इशारा हवामान विभागाच्या सूत्रांनी वर्तविला.
मे महिना सुरू झाल्याने पूर्वमोसमी पाऊस, उन्हाचा चटका, ढगाळ वातावरण अशी काहीशी स्थिती राज्यात राहणार आहे. दोन दिवसांपासून सकाळपासून वाढत असलेला पारा दुपारी सरासरी ओलांडत आहे. दुपारनंतर अचानक वातावरणात बदल होऊन ढगाळ हवामानाची स्थिती होत आहे. काही ठिकाणी ढग जमा होऊन मेघगर्जनेसह पाऊस पडत आहे. त्यामुळे हवेत काहीसा गारवा तयार होत असला तरी उकाड्यात मात्र वाढ होताना दिसून येते. बुधवारी (ता. ५) सकाळी चोवीस तासांत विदर्भातील अकोला येथे सर्वाधिक ४१.६ अंश सेल्सिअस तापमान नोंदविले गेले. तर महाबळेश्वर येथे ���८.३ अंश सेल्सिअसची नोंद झाली आहे.
राज्यातील बहुतांशी भागात पूर्वमोसमीचा प्रभाव कमी झाला आहे. त्यामुळे उन्हाच्या झळा तीव्र होत आहेत. कोल्हापूर, सिंधुदुर्ग, सातारा, सांगली, पुणे, नगर, सोलापूर, नाशिक, औरंगाबाद, जालना, बीड, लातूर, उस्मानाबाद, नांदेड जिल्ह्यांत उन्हाचा चटका वाढत आहे. मंगळवारी (ता. ४) दुपारनंतर नाशिकमध्ये तुरळक ठिकाणी हलक्या सरी पडल्या होत्या. तर बुधवारी काही ठिकाणी अंशतः ढगाळ वातावरण होते. बार्शीमध्ये दुपारी तुरळक ठिकाणी जोरदार सरी पडल्या. त्यामुळे शेतकऱ्यांची धावपळ उडाली होती.
या जिल्ह्यांमध्ये पावसाची शक्यता
गुरुवार : सिंधुदुर्ग, धुळे, नाशिक, नगर, पुणे, कोल्हापूर, सातारा, सांगली, सोलापूर, बीड, नांदेड, लातूर, उस्मानाबाद, अकोला, संपूर्ण विदर्भ
शुक्रवार : संपूर्ण महाराष्ट्र
शनिवार : संपूर्ण महाराष्ट्र
रविवार ; संपूर्ण महाराष्ट्र
महाराष्ट्रातील प्रमुख बाजारपेठेतील शेतमालाचे बाजारभाव जाणून घेण्यासाठी आजच कृषि विज्ञान केंद्र, बारामतीचे मोफत कृषिक अॅॅप पुढे दिलेल्या लिंक वरून त्वरित डाऊनलोड किंवा उपडेट करून घ्या. https://play.google.com/store/apps/details?id=com.rtc.krushik&showAllReviews=true
275 views05:05
क
