2022-05-31 10:21:14
✦
അല്ലാഹുവിന്റെ ഹാകിമിയ്യത്തിലും വലാഅ് ബറാഇലുമുള്ള മുജാഹിദുകളുടെ വ്യതിയാനം ✦
➥ കേരളത്തിലെ മുജാഹിദുകളുടെ ( വിസ്ഡം / കെ എൻ എം / മടവൂരി / എ / ബി / സി / ഡി....) നേതൃ സംഘടനയായ കെ ജെ യു വിന്റെ അടിസ്ഥാന പരമായ ഒരു തെറ്റിനെ വിമർശ്ശിച്ച് കൊണ്ട് കെ എം മൗലവി رَحِمـهُ الله യുടെ മകനായ അഷെയ്ഖ് അബ്ദുസ്സമദ് കാതിബ് رَحِمـهُ الله 24/06/1422] 12/09/2001] ന് എഴുതി
❝
ജംഇയ്യത്തുൽ ഉലമയുടെ മൂന്നാം തീരുമാനത്തിൽ ' ഹാകിമിയ്യത്ത് ' 'വലാഅ് ' എന്നിവ തൗഹീദിൽ പരിഗണിക്കേണ്ട കാര്യങ്ങളല്ലെന്ന് പ്രസ്താവിക്കുന്നതായി കാണുന്നു. തൗഹീദിനെ വിഭജിക്കുമ്പോൾ തൗഹീദു റുബൂബിയ്യ, തൗഹീദിൽ ഉലൂഹിയ്യ, തൗഹീദുൽ അസ്മാഇ വസ്വിഫാത്ത് എന്നിങ്ങനെ മൂന്നായി വിഭജിച്ചാൽ മതിയാകുന്നതാണ്. ഹാകിമിയ്യത്തിനെയും വലാഇനെയും പ്രത്യേക ഇനങ്ങളായി എണ്ണേണ്ട ആവശ്യമില്ല.
എന്നാൽ ഹാകിമിയ്യത്തും വലാഉം തൗഹീദുമായി ബന്ധമില്ലാത്ത കാര്യങ്ങളാണെന്ന് പറയാവതല്ല. ജംഇയ്യത്തുൽ ഉലമയുടെ തീരുമാനങ്ങൾ വായിക്കുന്ന ഒരാൾ ഹാകിമിയ്യത്തും വലാഉം തൗഹീദുമായി ബന്ധമില്ലാത്ത കാര്യങ്ങളാണെന്ന് ധരിക്കാനിടയുണ്ട്. അതിനാൽ അക്കാര്യം കൂടി ജംഇയ്യത്തുൽ ഉലമ തീരുമാനത്തിൽ വ്യക്തമാക്കേണ്ടതായിരുന്നു.
അല്ലാഹുവാണ് വിധികർത്താവ്. അവന്റെ വിധിയെ സ്വീകരിക്കേണ്ടത് നമ്മുടെ ബാധ്യതയാണ്. അല്ലാഹു പറയുന്നു : " അല്ലാഹുവും അവന്റെ ദൂതനും ഒരു കാര്യത്തിൽ തീരുമാനമെടുത്ത് കഴിഞ്ഞാൽ ഒരു സത്യ വിശ്വാസിക്കാകട്ടെ, സത്യ വിശ്വാസിനിക്കാകട്ടെ തങ്ങളുടെ കാര്യത്തിൽ സ്വതന്ത്രമായ അഭിപ്രായം ഉണ്ടായിരിക്കാവുന്നതല്ല ( 33:36)
അല്ലാഹുവിന്റെ ഹാകിമിയ്യത്ത് അംഗീകരിക്കാത്തവൻ വിശ്വാസിയല്ലെന്ന് ഇതിൽ നിന്ന് വളരെ വ്യക്തമാണ്. അതിനാൽ തൗഹീദിൽ പരിഗണിക്കപ്പെടേണ്ട കാര്യം തന്നെയാണ് ഹാകിമിയ്യത്ത് എന്ന് മനസ്സിലാക്കാവുന്നതാണ്. അഥവാ ഒരു വിശ്വാസിയുടെ എല്ലാ കാര്യങ്ങളും അല്ലാഹുവിന്റെ വിധി വിലക്കുകൾക്ക് വിധേയമാവേണ്ടതാണ്.തൗഹീദ് എന്തെന്ന് മനസ്സിലാക്കുകയും, തദനുസാരം നാം പ്രവർത്തിക്കുകയും റസൂൽ കൊണ്ട് വന്നതിനെ അംഗീകരിക്കുകയും ചെയ്താൽ മാത്രമേ ഒരാൾ യഥാർത്ഥ മുസ്ലിം ആവുകയുള്ളൂ.
തൗഹീദിനെയും അതിന്റെ വക്താക്കളെയും അവൻ സ്നേഹിക്കുകയും തന്റെ മിത്രങ്ങളായി സ്വീകരിക്കുകയും ചെയ്യേണ്ടതാണ്. ഇതിനാണ് വലാഅ് എന്ന് പറയുന്നത്. പരിശുദ്ധ ഖുർആനും നബി വചനങ്ങളും ഇക്കാര്യം വ്യക്തമാക്കിയിട്ടുണ്ട്.
ചുരുക്കിപ്പറഞ്ഞാൽ ഹാകിമിയ്യത്തും വലാഉം തൗഹീദിന്റെ അനിവാര്യ ഗുണങ്ങൾ ആണ്. അത് ഇഖ്വാനികളുടെയും ജമാഅത്തുകാരുടെയും ആദർശ്ശമല്ല.
ഖുർആനും നബി ചര്യയും പഠിപ്പിക്കുന്ന ആദർശ്ശമാണ്. അഥവാ അഹ്ലുസ്സുന്നത്തി വൽ ജമാഅയുടെ ആശയമാണ്. ❞
✦
ജമാഅത്തെ ഇസ്ലാമിയുടെയും മൗദൂദിയുടെയും ഹാകിമിയ്യത്തിനെ കുറിച്ചുള്ള ആശയവും, തൗഹീദിനെ നാലായുള്ള വിഭജനവും തെറ്റ് ✦
➥ ഒന്നാമത്തെ ലെറ്റർ ഇറങ്ങിയപ്പോൾ മുജാഹിദ് നേതാക്കൾ ചെന്ന് കണ്ടതിന്റെ അടിസ്ഥാനത്തിൽ മുകളിലെ ലെറ്ററിനുള്ള കുറിപ്പെന്നോണം 17/08/1422 [02/11/2001] ന് അദ്ധേഹം എഴുതി
❝ തൗഹീദിനെ വിഭജിക്കുമ്പോൾ തൗഹീദു റുബൂബിയ്യ, തൗഹീദുൽ ഉലൂഹിയ്യ, തൗഹീദുൽ അസ്മാഇ വസ്വിഫാത്ത്
എന്നിങ്ങനെ മൂന്നായി വിഭജിച്ചാൽ മതിയാവുന്നതാണ്.
ഹാകിമിയ്യത്തിനെയും വലാഇനെയും പ്രത്യേക ഇനങ്ങളായി എണ്ണേണ്ട ആവശ്യമില്ല. എന്നാൽ ജനാധിപത്യ ഗവർൺണ്മെന്റിനെ അനുസരിച്ചാൽ ശിർക്കും കുഫ്റുമാകും എന്ന മൗദൂദിയുടെയും, സയ്യിദ് കുതുബിന്റെയും വാദങ്ങൾ അസത്യമാണ്.أم لهم شركاء شرعوا لهم من الدين
" മതത്തിൽ നിയമങ്ങളുണ്ടാക്കാൻ അവർക്ക് വല്ല പങ്കാളികളുമുണ്ടോ " എന്ന അല്ലാഹുവിന്റെ വചനത്തിലെ ഹാകിമിയ്യത്താണ് തൗഹീദിൽ പെടുമെന്ന് ഞാനുദ്ധേശിച്ചത്. ❞
#الاخوان_المفلسون #انحراف_ندوة_المجاهدين
ഇത് രണ്ടും ഒരു പോലെ പറയുന്നവരാണ് ലോകാടിസ്ഥാനത്തിലുള്ള സലഫികൾ
𝕗𝕒𝕨𝕒𝕚𝕕 𝕞𝕒𝕝𝕒𝕪𝕒𝕝𝕒𝕞
https://t.me/fawaid_malayalam
326 views07:21