CrackedSoft

2021-01-19 06:14:01 'पट्टचित्र' ही ओडिशाची सर्वात जुनी कला रघुराजपूरात जपली जात आहे

ओडिशाची सर्वात जुन्या कलाप्रकारांपैकी एक असलेली 'पट्टचित्र' ही चित्रकला रघुराजपूरा या खेड्यात जपण्याचा प्रयत्न सरकार करीत आहे. या प्रयत्नांमुळे, रघुराजपूरा भारतातले पहिले वारसा गाव ठरते.

'पट्टचित्र' कलेविषयी

‘पट्टचित्र’ ही चित्रकला शैली ओडिशाच्या सर्वात जुन्या आणि लोकप्रिय कला प्रकारांपैकी एक आहे.

‘पट्ट’ हा संस्कृत शब्द असून त्याचा अर्थ ‘तैलचित्र तयार करण्यासाठी चित्रकार वापरतात ते कापड’ (कॅनव्हास) असा होतो.

कापडावर चित्र तयार करण्यासाठी अनेक रंगांचा वापर केला जातो, ज्यात सामान्यत: पांढरा, लाल, पिवळा आणि काळा ही रंग असतात.

चित्र काढण्यापूर्वी कापड एका प्रक्रियेमधून जाते, त्यासाठी पारंपारिक प्रक्रियेचा अवलंब केला जातो. प्रथम, चुन्याची बारीक भुकटी आणि चिंचेच्या बियापासून बनवलेला गोंद यांचा लेप कापडावर लावून चित्रासाठी पृष्ठभुमी तयार केली जाते. चित्राची सीमा प्रथम पूर्ण करण्याची परंपरा आहे. त्यानंतर कलाकार हलका लाल आणि पिवळा रंग वापरुन थेट ब्रशने एक खडबडीत रेखाकृती तयार करण्यास सुरवात करतो. ओपन / कमेंट

2021-01-19 06:13:47 ओपन स्कायज' करारामधून बाहेर पडण्याची रशियाची घोषणा

अमेरिकेच्या पाठोपाठ आता ‘ओपन स्कायज' संधी (मुक्त आकाश करार) या आंतरराष्ट्रीय करारामधून माघार घेणार असल्याची घोषणा रशियाने केली. 2002 साली अंमलात आलेल्या या कराराचे विघटन करण्यास रशियाने नकार दिला.

अमेरिकेचे राष्ट्राध्यक्ष डोनाल्ड ट्रम्प यांनी नोव्हेंबर 2020 या महिन्यात या करारातून माघार घेतली.

‘ओपन स्कायज' संधी विषयी

रशिया आणि पश्चिम यांच्यात विश्वास वाढवणे हा या करारामागचा उद्देश होता.करारानुसार, सदस्यांना एकमेकांच्या प्रदेशात विमानांद्वारे नि:शस्त्र पाळत ठेवली जाते आणि शस्त्रास्त्रांच्या विकासावर लक्ष ठेवण्यास परवानगी मिळते. सदस्य राष्ट्र संमतीने दुसऱ्याच्या कोणत्याही भागावर पाळत ठेवू शकते.

सैनिकी सुविधांवर निरिक्षण ठेवणे तसेच लष्कराच्या सैन्याने सैन्य दलाची कामे व त्याविषयीची माहिती गोळा करण्यासाठी या कराराच्या सदस्य राष्ट्रांना परस्परांच्या जागेवरून उड्डाणे करण्यास परवानगी दिली गेली आहे.

सोव्हिएत संघाच्या विभाजनानंतर NATO समूहाचे सदस्य आणि माजी वारसाव करारातले देश यांच्यात हा करार झाला आहे. यात 34 सदस्य देश समाविष्ट आहेत. भारत या कराराचा सदस्य नाही. ओपन / कमेंट

2021-01-19 06:13:32 बायडेन प्रशासनात भारतीय वंशाच्या २० व्यक्ती.

अमेरिकेचे नियोजित अध्यक्ष जो बायडेन यांचा शपथविधी २० जानेवारीला होत असून त्यांच्या प्रशासनात किमान २० भारतीय अमेरिकी व्यक्तींचा समावेश करण्यात आला आहे. त्यात १३ महिला आहेत. एकूण १७ जण महत्त्वाच्या पदांवर नेमले गेले आहेत.

कमला हॅरिस या प्रथमच देशाच्या पहिल्या महिला उपाध्यक्ष म्हणून शपथ घेणार आहेत. हॅरीस (वय ५६) या पहिल्या भारतीय वंशाच्या तसेच आफ्रिकन अमेरिकन उपाध्यक्ष आहेत. इतर प्रमुख व्यक्तींमध्ये व्हाइट हाऊस कार्यालयातील अर्थसंकल्प संचालक नीरा टंडन, अमेरिकेचे महाशल्यचिकित्सक डॉ. विवेक मूर्ती, न्याय खात्यातील सहायक महाधिवक्ता वनीता गुप्ता, नागरी सुरक्षा व मानवी हक्क खात्यातील उझरा झेया यांचा समावेश आहे.

माला अडिगा यांची प्रथम महिला डॉ. जिल बायडेन यांच्या सचिवपदी नेमणूक करण्यात आली आहे. गरिमा वर्मा यांची जिल यांच्या डिजिटल संचालक म्हणून नेमणूक केली आहे, तर सब्रिना सिंह यांना उप प्रसिद्धी सचिव नेमण्यात आले आहे. पहिल्यांदाच भारतीय अमेरिकी व्यक्तींपैकी काश्मिरी आयशा शहा यांची व्हाइट हाऊसमध्ये नेमणूक झाली आहे, तर समीरा फाझिली यांना राष्ट्रीय अर्थ मंडळात उपसंचालक पद मिळाले आहे.

भारत राममूर्ती यांनाही उपसंचालकपद मिळाले आहे. गौतम राघवन यांची अध्यक्षीय कोर्यालयात उपसंचालकपदी नियुक्ती झाली आहे. विनय रेड्डी, वेदांत पटेल, तरुण छाब्रिया, सुमोना गुहा, शांथी कलाथिल, सोनिया अग्रवाल विदुर शर्मा,नेहा गुप्ता, रीमा शहा यांच्याही नेमणुका झाल्या आहेत. ओपन / कमेंट

2021-01-18 19:23:15 https://unacademy.com/class/vijypth-vijnyaanaacaa/ET78CW90
Swarashri Mam is LIVE. ओपन / कमेंट

2021-01-16 07:14:20 “अस्मि”: भारताची पहिली स्वदेशी 9mm मशीन पिस्तूल

#current_affairs_Notes #Esprdhapariksha

संरक्षण संशोधन व विकास संघटना (DRDO) आणि भारतीय भुदलाने संयुक्तपणे देशाची पहिली स्वदेशी-निर्मित ‘9mm मशीन पिस्तूल’ विकसित केले आहे.

ठळक बाबी

पिस्तूलाचे नाव “अस्मि” असे ठेवण्यात आले आहे.

इन्फंट्री स्कूल (महू) आणि DRDOच्या शस्त्रास्त्र संशोधन व विकास संस्था (ARDE, पुणे) या संस्थेतल्या संशोधकांनी हे पिस्तूल विकसित केले आहे.मशीन पिस्तूल 9mm व्यास असलेला गोळीबार करते.

मशीन पिस्तूलाची उत्पादन किंमत प्रत्येकी 50,000 रुपयांपेक्षा कमी आहे.
मेटल थ्रीडी प्रिंटिंगच्या सहाय्याने बनविलेल्या ट्रिगर घटकांसह विविध भागांच्या रचना आणि नमुन्यामध्ये थ्रीडी प्रिंटिंग प्रक्रिया वापरली गेली आहे.

सशस्त्र दलातील कमांडर्स आणि रणगाडे आणि विमानात तैनात असलेल्या क्रू मेंबर्ससाठी वैयक्तिक शस्त्रे म्हणून या पिस्तूलचा चांगला उपयोग होऊ शकतो. ओपन / कमेंट

2021-01-16 07:14:20 प्रधानमंत्री कौशल विकास योजनेचा तिसरा टप्पा (PMKVY 3.0)
#PMKVY #current_affairs_Notes

प्रधानमंत्री कौशल विकास योजनेच्या तिसऱ्या टप्प्याचा (PMKVY 3.0) प्रारंभ 15 जानेवारी 2021 रोजी देशभरातल्या सर्व राज्यांमधल्या निवडक 600 जिल्ह्यांमध्ये केला जाणार आहे.

ठळक बाबी

कौशल्य विकास व उद्योजकता मंत्रालयाच्या नेतृत्वाखाली अंमलात आणल्या जाणाऱ्या या योजनेच्या तृतीय टप्प्यात नव्या काळातल्या आणि महामारीशी संबंधित कौशल्यांवर भर दिला जाणार आहे.

कौशल्य भारत अंतर्गत 729 प्रधानमंत्री कौशल केंद्रे (PMKK), नोंदणीकृत बिगर-PMKK प्रशिक्षण केंद्र आणि 200 हून अधिक ITI कुशल व्यवसायिकांची मजबूत फळी तयार करण्यासाठी ‘PMKVY 3.0’ याचा प्रारंभ केला जात आहे.

पार्श्वभूमी

भारताला जगाची "कौशल्य राजधानी" बनवण्याचे स्वप्न साकार करण्यासाठी 15 जुलै 2015 रोजी प्रारंभ केलेल्या “कौशल्य भारत अभियानाला” प्रधानमंत्री कौशल विकास योजना ही महत्वाकांक्षी योजना सुरू केल्यामुळे मोठी गती मिळाली. ओपन / कमेंट

2021-01-16 07:14:20 भारतीय हवाई दलासाठी स्वदेशी 83 ‘तेजस’ विमानांच्या खरेदी प्रस्तावाला मंत्रिमंडळाची मंजुरी

पंतप्रधान नरेंद्र मोदी यांच्या अध्यक्षतेखाली 13 जानेवारी 2021 रोजी झालेल्या मंत्रिमंडळ बैठकीत 73 ‘LCA तेजस Mk-1A’ लढाऊ विमाने आणि 10 ‘LCA तेजस Mk-1’ प्रशिक्षण विमानांच्या 45,696 कोटीं रुपयांच्या खरेदी प्रस्तावाला मंजूरी देण्यात आली.

याव्यतिरिक्त संरचना व पायाभूत सोयीसुविधांच्या विकासासाठी 1,202 कोटी रुपयांच्या खर्चाला मंजुरी देण्यात आली आहे, जेणेकरून विमानांची दुरुस्ती व देखरेख हवाई तळावरच्या डेपोत करणे शक्य होणार आणि आणीबाणीच्या प्रसंगी दुरुस्तीसाठी लागणाऱ्या वेळेत बचत होणार.

‘तेजस’ विमानाविषयी

‘तेजस Mk-1’ हे देशात अभिकल्पित केलेले, अत्याधुनिक 4+ पिढीचे वजनाने हलके लढाऊ विमान आहे.

विमान इलेक्ट्रॉनिक स्कॅन्ड एरे (AESA) रडार, बियॉन्ड विज्युअल रेंज (BVR) क्षेपणास्त्र, इलेक्ट्रॉनिक वारफेअर (EW) स्विट, हवेतल्या हवेत इंधन भरण्याची सुविधा अश्या महत्वाच्या सुविधांसह सुसज्ज आहे. त्यामुळे ते भारतीय हवाईदलाची क्षमता वृद्धींगत करणारे एक महत्वाचे साधन ठरते.

50 टक्के स्वदेशी बनावटीच्या लढाऊ विमानाच्या श्रेणीतले ते पहिले विमान आहे.
आत्मनिर्भर भारत अभियानांतर्गत भारताच्या हिंदूस्तान एअरोनॉटिक्स लिमिटेड (HAL) या सार्वजनिक कंपनीने तेजस विमान तयार केले आहे. ओपन / कमेंट