2022-06-20 07:12:53
Positive thoughts journal එකක් ලියන්න පටන් ගමූ...
මේ දවස් වල ඔළුව positive දේවල් හිතන්න පොළඹවගන්න එක හරිම අමාරු වැඩක්.. මොකද අහන්න, දකින්න ලැබෙන දේවල් එක්ක දැනෙන්නෙ අපේ අනාගතය ගැන බයක් විතරක් නිසා. ඒක ඔළුවට ලොකු පීඩනයක්. කොච්චර ලොකු පීඩනයක්ද කියන දේ අත්දැකීමෙන්ම මං දන්නවා.
අන්න ඒ නිසා මං පුංචි වැඩක් පටන් ගත්තා. ඒ තමයි positive thoughts journal එකක් ලියන්න. ඒ කියන්නෙ මං මේ පොතේ දවසින් දවස ලියනවා මට මගේ ජීවිතේ සතුටු වෙන්න පුළුවන් දේවල්, මට මේ වෙලාවෙ තියෙන ශක්තීන්. මොකද ඒකට පුළුවන් ලොකු energy එකක් මට ලබාදෙන්න. මට තාමත් දේවල් තියෙනවා කියලා ඒත්තු ගන්වන්න.
දැන් ඔයාලට හිතෙයි මොනාද ඒ තරමට ඔයාලගෙ ජීවිතේ තියෙන මෙහෙම දේවල් කියලා..
සරලවම කියනවා නම්; තුන්වේල කන්න ලැබෙන එකත් මේ වෙලාවෙ ඔයාලට ඔයාලගෙ positive thoughts journal එකට add කරගන්න පුළුවන් විදිහෙ දෙයක්. ඒ ඇරුණහම ඔයාගෙ අම්මා තාත්තා ඔයා එක්ක ඉන්න එක, ඔයාට හොඳට ඉගෙනගන්න පුළුවන් එක, ඔයාට ආදරේ කරන සහෝදරයෙක් ඉන්න එක...... වගේ ඕනම දෙයක් ඔයාට ඒකෙ ලියන්න පුළුවන්.
ඉතින් අදම පටන් ගන්න. ඔයාගෙ හීන වලට යන ගමනෙදි ඔයාට ශක්තිය ඕන. හරියට වාහනයක් දුවන්න ඉන්ධන ඕන වගේ. ජීවිතේ හීන වලට අරන් යන බලවත්ම ඉන්ධන වලින් එකක් තමයි ධනාත්මකව සිතීම කියන්නෙ.
ඔයා ළඟ දැනට තියෙන දේවල් වලට ස්තූතිවන්ත වෙන්න. ඒ ආශිර්වාදය ඔයාව ඔයාගෙ හීන වලට එක්කගෙන යාවී...
හීන වෙනුවෙන් කැප වෙන ඔයාට ජයෙන් ජය ..
Study with Gimi
221 viewsS.A.අබේසිංහ -AHT/5816, 04:12