MPSC STUDENT™

2021-05-10 04:59:22 कोरोना पेशंट
विशाल येवले ( पुणे )

प्लाजमा A+ ची नितांत गरज

रेमेडिसीवर ची गरज
परिस्थिती अत्यंत बिकट

हॉस्पिटल- पवना हॉस्पिटल, सोमटने फाटा, ता - मावळ, पुणे

संपर्क - 9762949596 (मित्र)
8796246266 ( भाऊ)

पुण्यातील जास्तीत जास्त मित्रांना शेअर करा.

पोस्ट केलेली वेळ - दि. 10 मे 2021 ओपन / कमेंट

2021-04-17 06:29:39 ISS कडे ‘सोयुझ एमएस-18’ अंतराळयान पाठविण्यात आले.

9 एप्रिल 2021 रोजी कझाकस्तानमधील स्पेसपोर्ट येथून ‘सोयुझ एमएस-18’ अंतराळयान आंतरराष्ट्रीय अंतराळ स्थानक (ISS) याकडे पाठविण्यात आले.

ठळक बाबी

अंतराळयानाद्वारे 3 जणांना याकडे पाठविण्यात आले आहे. त्यात रशियाचे दोन व्यक्ती आणि अमेरिकेच्या NASA संस्थेचा एक अभियंता यांचा समावेश होता.

हे यान आता 180 दिवसांनी म्हणजेच 13 ऑक्टोबर 2021 रोजी पृथ्वीवर परतणार आहे.

‘सोयुझ एमएस-18’ अंतराळयानाचे संचालन रशियाच्या रोसकॉसमॉस या अंतराळ संस्थेकडून केले जात आहे.
व्यक्तींना घेऊन उडणाऱ्या सोयुझ अंतराळयानाचे हे 146 वे उड्डाण आहे.
आंतरराष्ट्रीय अंतराळ स्थानक (ISS)

आंतरराष्ट्रीय अंतराळ स्थानक (ISS) हे पृथ्वीच्या खालच्या अंतराळ कक्षेत 400 किलोमीटर दूर आकाशात तरंगणारे एक अंतराळ स्थानक आहे. या कृत्रिम उपग्रहावर मानवाचा अधिवास शक्य झाला आहे. 1998 साली या बहू-राष्ट्रीय प्रकल्पाचा पहिला भाग अंतराळात पाठवण्यात आला. आज ISS वर अमेरिका, रशिया, कॅनडा आणि जपान या देशांचे अंतराळवीर कार्यरत आहेत. ओपन / कमेंट

2021-04-17 06:29:02 'आहार क्रांती’ नामक एका चळवळीला प्रारंभ

12 एप्रिल 2021 रोजी केंद्रीय आरोग्य मंत्री डॉ. हर्ष वर्धन यांच्या हस्ते ‘आहार क्रांती’ नामक एका चळवळीला प्रारंभ करण्यात आला.

पौष्टिकदृष्ट्या संतुलित आहाराची आवश्यकता आणि सर्व स्थानिक फळ आणि भाजीपाला यांचे महत्त्व समजून घेण्यासाठी हे अभियान आखण्यात आले आहे.

हे विज्ञान भारती (विभा) आणि ग्लोबल इंडियन सायंटिस्ट्स अँड टेक्नोक्रॅट्स फोरम (GIST) यांनी सुरू केलेले अभियान आहे.अभियानाचे “उत्तम आहार उत्तम विचार” (‘Good Diet-Good Cognition’) हे ध्येय आहे.

या कार्यक्रमात शिक्षकांच्या प्रशिक्षणावर लक्ष केंद्रित करण्यात येईल, जे पुढे त्यांच्या असंख्य विद्यार्थ्यांपर्यंत आणि त्यांच्यामार्फत त्यांच्या कुटुंबियांपर्यंत पोषक आहाराविषयी संदेश पोहचवतील.

उपासमार आणि त्यासंबंधी मुबलक रोगांचे प्रश्न सोडवण्याच्या हेतूने या कार्यक्रमाची सुरुवात करण्यात आली आहे. ओपन / कमेंट

2021-04-17 06:28:34 'पोषण ज्ञान': पोषण-विषयक माहितीचा डिजिटल कोष

आरोग्य आणि पोषण विषयक माहिती देणाऱ्या 'पोषण ज्ञान' नामक राष्ट्रीय पातळीवरील डिजिटल कोषाचा नीती आयोगाने प्रारंभ केला. या उपक्रमामध्ये बिल अँड मेलिंडा गेट्स फाउंडेशन आणि अशोक विद्यापीठातील सामाजिक व वर्तनात्मक परिवर्तन केंद्र हे भागीदार आहेत.

ठळक बाबी

‘पोषण ज्ञान’ या संकेतस्थळाच्या निर्मितीमुळे जे समाजघटक कुपोषणाला बळी पडू शकतात, उदा- गरोदर स्त्रिया, स्तनदा माता, आणि सहा वर्षांखालील वयाची बालके, यांच्यावर भर देऊन, वर्तणूकविषयक सखोल माहिती देऊन हा प्रश्न सोडवता येईल.

डॉ. राकेश सरवल यांच्या मार्गदर्शनांतर्गत, पोषण ज्ञान या माहिती कोषाची संकल्पना विकसित झाली. आरोग्य आणि पोषणाशी संबंधित 14 पैलूंविषयी विविध भाषा, विविध माध्यमे आणि विविध जनसमुदायांसाठी तयार केलेल्या संवादात्मक साहित्यातून हवी ती माहिती शोधून घेण्याची सुविधा यात देण्यात आली आहे.

पोषण ज्ञान नामक या माहिती कोषात 'क्राऊडसोर्सिंग' प्रकारची एक विशिष्ट सुविधा देण्यात आली आहे. यामुळे संकेतस्थळावरील माहितीत भर घालण्याचे योगदान देऊ इच्छिणाऱ्या कोणाही व्यक्तीला तसे करता येईल आणि नंतर एका समितीद्वारे त्याचे परीक्षण केले जाईल. ओपन / कमेंट

2021-04-17 06:28:04 NEETPG - 2021 परीक्षा देखील पुढे ढकलली .

देशभरात करोनाचा संसर्ग दिवसेंदिवस वाढत आहे. या पार्श्वभूमीवर नियोजित परीक्षा पुढे ढकलण्यात येत आहे. नुकतंच केंद्र सरकारने सीबीएसईच्या (CBSE) दहावी बोर्डाच्या परीक्षा रद्द करण्याचा निर्णय जाहीर केलेला असताना, आता NEETPG – 2021 परीक्षा देखील पुढे ढकलण्यात आली आहे.

‘सीबीएसई’ दहावीची परीक्षा रद्द - केंद्रीय आरोग्यमंत्री डॉ. हर्ष वर्धन यांनी ट्विटद्वारे याबाबत माहिती दिली आहे. करोनाच्या वाढत्या संसर्गाच्या पार्श्वभूमीवर भारत सरकारने NEETPG – 2021 परीक्षा पुढे ढकलण्याचा निर्णय़ घेतला आहे. ही परीक्षा १८ एप्रिल रोजी होणार होती. परीक्षेची नवीन तारीख नंतर ठरवली जाणार आहे. मेडिकल विद्यार्थ्यांच्या आरोग्याच्या हिताच्या दृष्टीने हा निर्णय घेण्यात आला आहे. असं ट्विट केंद्रीय आरोग्यमंत्री डॉ. हर्ष वर्धन यांनी केलं आहे.

मोठी बातमी! मेडिकलच्या परीक्षाही पुढे ढकलण्याचा निर्णय - करोनाच्या पार्श्वभूमीवर ठाकरे सरकारने वैद्यकीय शिक्षण विभागाच्या परीक्षाही पुढे ढकलण्याचा निर्णय घेतला आहे. मुख्यमंत्री उद्धव ठाकरे यांच्याशी चर्चा केल्यानंतर वैद्यकीय शिक्षणमंत्री अमित देशमुख यांनी हा निर्णय घेतला आहे. १९ एप्रिलपासून सुरू होणाऱ्या वैद्यकीय परीक्षा जूनपर्यंत पुढे ढकलण्यात आल्या आहेत.

परीक्षा पुढे ढकलण्याची मागणी होत असताना अमित देशमुख यांनी मुख्यमंत्र्यांशी चर्चा करुन पुढील ७२ तासांत निर्णय घेऊ अशी ग्वाही दिली होती. त्यानुसार हा निर्णय घेण्यात आला आहे. परीक्षेचे सविस्तर वेळापत्रक महाराष्ट्र आरोग्य विज्ञान विद्यापीठामार्फत जाहीर करण्यात येणार आहे. ओपन / कमेंट

2021-04-17 06:27:36 ‘मरकझ’ला परवानगी नाही.

रमझानच्या काळात निझामुद्दीन मरकझमध्ये भाविकांना प्रवेश देण्याबाबत सहमती दर्शवणाऱ्या केंद्र सरकारने दुसऱ्याच दिवशी घूमजाव करीत मशिदीमध्ये कोणालाही कोणत्याही कार्यक्रमास मुभा दिली जाऊ शकत नाही, असे मंगळवारी दिल्ली उच्च न्यायालयापुढे स्पष्ट केले.

नमाज अदा करण्यावर घालण्यात आलेले निर्बंध शिथिल करून भाविकांना ‘मरकझ’मध्ये प्रवेश मिळावा, अशी मागणी करणाऱ्या दिल्ली वक्फ मंडळाच्या याचिकेवर दिल्ली उच्च न्यायालयात सुनावणी सुरू आहे.

राजधानीत ‘दिल्ली आपत्ती व्यवस्थापन प्राधिकरणा’च्या (डीडीएमए) मार्गदर्शक तत्त्वांनुसार सर्व धार्मिक कार्यक्रमांवर १० एप्रिलपासून बंदी घालण्यात आल्याने रमझान महिन्यात निझामुद्दीन मरकझमध्ये अशा प्रकारच्या कोणत्याही कार्यक्रमास परवानगी देता येणार नाही, असे केंद्र सरकार आणि दिल्ली पोलिसांनी दिल्ली उच्च न्यायालयास सांगितले. त्यावर न्यायालयाने तसे प्रतिज्ञापत्र सादर करण्याचे आदेश केंद्र सरकारला दिले.

न्यायमूर्ती मुक्ता गुप्ता यांनी केंद्र सरकारच्या वकिलांचा जबाब नोंदवून घेतला. त्यानुसार गेल्या वर्षापासून मशिदीत नमाज अदा करणाऱ्या पाच जणांना पुढील सुनावणीपर्यंत तसे करण्यास परवानगी असेल. ओपन / कमेंट

2021-04-17 06:27:03 चिमुकलीची उत्तुंग भरारी! अडीच वर्षांच्या वैदिशाच्या नावाची इंटरनॅशनल बुक ऑफ रेकॉर्डमध्ये नोंद.

२०० देशाची राजधानी, राष्ट्रध्वज मुखपाठ असल्याने चंद्रपूर येथील वैदिशा शेरेकर या अडीच वर्षांच्या चिमुकलीने इंडिया बुक ऑफ रेकॉर्डनंतर आता इंटरनॅशनल बुक ऑफ रेकॉर्डमध्ये स्थान मिळवले आहे. एवढ्या लहान वयात मिळवलेल्या या घवघवीत यशामुळे तिचे सर्वंत्र कौतुक होत आहे.

चंद्रपूर येथील बँक ऑफ इंडिया पद्यापूर शाखेमध्ये सहायक रोखपाल पदावर कार्यरत असलेले वैभव शेरेकर हे मुळचे अकोला येथील आहे. नोकरीनिमित्त ते चंद्रपूर येथे स्थिरावले. त्यांना वैदिशा ही एकुलती एक मुलगी आहे. अवघ्या एक वर्षांची असताना तिला एक गोष्ट सांगितली की तिच्या लक्षात रहायची. तिच्या असाधारण कुशाग्र बुद्धीचा कसा सदुपयोग करता येईल यावर विचार करून, शेरेकर कुटुंबीय तिला नवनवीन पाठ्यपुस्तके आणत होते.

वैदिशा जवळपास अडीच वर्षांची झाल्यानंतर तिच्यासाठी सर्व देशांच्या राजधानी व राष्ट्रध्वजाची माहिती असलेले चार्ट आणून त्या माध्यमातून तिला तिची आई दिपाली शेरेकर यांनी माहिती देण्यास सुरूवात केली. तिने अवघ्या पंधरा वीस दिवसांत २०० पेक्षा अधिक देशांची राजधानी तसेच त्यांचे राष्ट्रीय ध्वज अचूकपणे सांगण्याइतपत तयारी केली.

वैदिशाला २०० देशाहून अधिक देशाची राजधानी मुखपाठ असून या सर्व देशांचे राष्ट्रीय ध्वज ती अचूक ओळखते. तिच्या या कामगिरीची दखल जानेवारी महिन्यातच इंडिया बुक ऑफ रेकॉर्ड या संस्थेने घेतली होती. शिवाय तिचे नावाची नोंद देखील इंडिया बुक ऑफ रेकॉर्डमध्ये केली गेली आहे. ओपन / कमेंट

2021-04-17 06:26:32 आशियाई कुस्ती स्पर्धा - सरिताला सुवर्णपदक

भारताची कुस्तीपटू सरिता मोर हिने जोमाने पुनरागमन करत मोंगोलियाच्या शूवदोर बातारजाव हिचे आव्हान परतवून लावत सलग दुुसऱ्यांदा आशियाई अजिंक्यपद स्पर्धेत सुवर्णपदकाची कमाई केली. सीमा बिस्ला (५० किलो) आणि पूजा (७६ किलो) यांना कांस्यपदक मिळाले.

अंतिम फेरीची लढत संपायला दोन मिनिटे शिल्लक असताना सरिता १-७ अशी पिछाडीवर पडली होती. पण ५९ किलो वजनी गटात पंचांकडे दाद मागण्याचा भारताचा निर्णय फसल्यानंतर बातारजावला चार गुणांची बढत मिळाली. त्यातच सरिताने स्वत:वरील नियंत्रण सुटल्यामुळे बातारजावला आणखी एक गुण मिळवता आला. बातारजावने ७-१ अशी आघाडी घेतल्यानंतर सरिताने पुनरागमन केले.

बातारजावविरुद्ध चाल रचत सरिताने चार गुणांची कमाई केली. त्यानंतर बातारजावला रिंगणाच्या बाहेर ढकलत सरिताने ७-७ अशी बरोबरी साधली. अवघ्या २० सेकंदांचा खेळ शिल्लक असताना सरिताने आणखी एक डावपेच आखत गुण वसूल केले. अखेरीस १०-७ अशा फरकाच्या आधारे सरिताने या स्पर्धेतील सलग दुसरे सुवर्णपदक प्राप्त केले.

प्रतिस्पर्धी २०१८ सालची जागतिक कांस्यपदक विजेती असल्याने हा सामना माझ्यासाठी खडतर होता. पण मी माझ्यापरीने सामन्याची तयारी केली होती. पहिल्याच सामन्यात तिच्याकडून हरल्यानंतर अंतिम फेरीत मी रणनीतीची योग्य अंमलबजावणी केली. ओपन / कमेंट

2021-04-17 06:21:59 Read: नीरव मोदीच्या प्रत्यार्पणास मंजुरी
https://www.loksatta.com/desh-videsh-news/approval-for-extradition-of-nirav-modi-abn-97-2446693/

Shared by Loksatta android app.
Click here to download
https://loksatta.page.link/2wBCYTDbKPwmqCgV6 ओपन / कमेंट