Ahle Sunnat Ahle Jannat

2023-04-26 18:02:17 • *SHAITAAN KA JAAL* •    
*******
*HIQAYAT*
       **
Hazrat Abu Abdullah Jila Rehmatullah Ta'aala Alaihi Ne Ek Roz Ek Khubsurat Majusi Ladke Ko Dekha Tha! Uske Husn Wa Jamaal Se Aap Is Qadr Mutassir Hue Ki Use Dekhte Hi Rahe! Thodi Daer Ke Baad Hazrat Junaid Baghdaadi Rehmatullah Ta'aala Alaihi Wahan Se Gujre To Aapne Unse Arz Ki, Ya Ustadh! Main Is Ladke Ka Husn Wa Jamaal Dekhker Yeh Soch Raha Tha Ki Aisi Acchi Surat Dozak Ki Aag May Jalegi? 
Hazrat Junaid Ne Farmaya, Aye Abdullah! Yeh Shaitaan Ka Ek Jaal Aur Fareb Nafs Hain Jo Mujhe Yun Luba Raha Hain! Yaad Rakh Ki Yeh Nazara-A-Ibrat Nahi! Balki Nazara-A-Shehwat Hain! Agar Nazara-A-Ibrat Hota To 18 Hazaar Aalam May Bahoatse Ajaayibaat Hain, Tu Unse Ibrat Haasil Karta! 
Magar Yeh Shaitaani Jaal Hain Ki Us Ladke Hi Ke Husn Wa Jamaal Ko Tu Nazara-A-Ibrat Samajhne Laga! Ankarib Tum Uski Saza Ki Giraft May Aaoge!
Chunanche, Hazrat Abdullah Jo Haafiz-A-Quraan Bhi The, Quraan Ko Bhool Gaye! Fir Wo Barson Rote Rahe Aur Apni Lagjish Ki Maufi Chahte Rahe Aur Tauba Karte Rahe, Tab Jaker ALLAH-TA'AALA Ne Apna Fazl Farmaya Aur Quraan Fir Yaad Hogaya! Uske Baad Hazrat Abdullah Fir Kisi Chiz Ki Taraf Iltifaat (Tawajjo) Na Farmate The!

(Tazkiratul Auliya, Pg-498)

*****
*SABAK*
      *
Jo Log Parayi Auraton Ko Dekhte Hain Aur Yun Kehte Hain Ki Hum Khalik-A-Husn Wa Jamaal Ki Qudrat Wa Kaarigiri Ko Dekhte Hain! Jo Log Cinema Wa Tamashe Dekhker Yun Kehte Hain Ki Hum Ibrat Haasil Karne Keliye Cinema Dekhte Hain, Wo Dar-Asl Shaitaan Ke Jaal May Fhas Chuke Hote Hain! 
Kyonki Ibrat Keliye To Aur Bhi Hazaaron Lakhon Chizen Maujudh Hain, Fir Ek Tamashbini Aur Nazar-Baazi Hi Ko Ibrat Samajhna Shaitaani Chal Wa Jaal Nahi To Aur Kya Hain?
*****
*Ajaz Ahmed* ओपन / कमेंट

2023-04-26 13:45:54 Hazrat Allama Mufti Muhammad Khaleel Khan Barkaati rahmatullāhi alaihi :


****
Laqab :
‾‾‾‾‾‾‾‾
Khaleel-ul-Ulama.

****
Aap ki wilaadat Zil Qa’ada 1338 Hijri (July 1920 A.D.) me Khariri (Zila Aligarh) me hui.

****
Aap ke waalid ka naam Abdul Jaleel Khan bin Ismāeel Khan hai.

Aap ke aaba wa ajdaad me se akṡar fauj me the ya zameendaar the.
Aap ke naana Hazrat Abdur Rahmān Khan urf Laal Khan ek jayyad aalime deen the aur Hazrat Allama Lutfullāh Aligarhi ke shaagird the.

****
Aap ki umr 6 din ki thi tab Aap ke waalid ka inteqaal hua. Kuchh arse baad Aap ke daada jaan ka bhi inteqaal hua.
Is ke baad aap ki waalida aapko lekar aap ke naana ke yaha Marehra aa gai. Kuchh arse me aap ki waalida ka bhi inteqaal hua. Iske baad aap ke chacha ne aap ki tarbiyat ki aur Mohalla Kamboh, Afghan Road me qayaam pazeer hue.

****
Aap ne pehle middle tak angrezi ta’aleem haasil ki aur 1353 Hijri (1934 A.D.) me achhe number se pass kiya. Phir Marehra me ta’aleem haasil karne ke baad Zil Qa’ada 1353 Hijri (March 1935 A.D.) me Madrasa Haafiziya Saeediya, Aligarh me daakhil hue. Hazrat Sadr-ush-Shariah Mufti Amjad Ali Aazami rahmatullāhi alaihi se daura e Hadeeṡ ki ta’aleem haasil ki aur 1364 Hijri (1945 A.D.) me faarigh hue. Huzoor Mufti e aazam e Hind Muhammad Mustafa Raza Khan rahmatullāhi alaihi ne Aap ko sanad ata farmai.

****
18 Zil Hijja 1356 Hijri (1938 A.D.) ko Aap ne Hazrat Taaj-ul-Ulama Sayyed Shaah Aulaade Rasool Muhammad Miyan Barkaati rahmatullāhi alaihi bai'at ki.

****
Aap Jaame ma’aqoolaat wa manqoolaat, faqeeh-e-asr, Ustaad-ul-Ulama, aur Sanad-ul-Atqiya the.

Faraaghat ke baad Aap ne ta’aleem wa tadrees shuru ki. Tabligh e deen ke liye Hindustan ke kai shahero ka daura kiya. Kuchh arse tak Meerut ki chhaavni me fauj ke muballigh ki haiṡiyat se faraaiz anjaam diye. Faraaghat ke 4 saal baad 29 saal ki umr me Peer o murshid ke farmaan par Khaanqaahe Barkaatiya, Marehra me Daar-ul-Ifta me Fatawa naweshi ki zimmedaari sambhali.

1951 me Hyderabad (Pakistan) tashreef le gaye. Aap ne Daar-ul-Uloom Ehsaan-ul-Barkaat qaa'im kiya aur dars wa tadrees karte rahe. Is idaare se talba mustafeed ho rahe hain.

Radio Pakistan, Hyderabad se 10 saal tak Aap ki Tafseer nashr hui. Is ke ilaawa bahot saare mawaaqe par Aap ki taqreer wa mazaakiraat bhi nashr hui.

Aap hamesha saadgi aur inkasaari pasand farmaate. Aap ko apni ta’areef wa sataa'ish bilkul pasand nahi thi.

****
Aap ne 58 tasaannif wa tarjumaat kiye hain.

Aap ki likhi hui mash'hoor kitaaben :
(1) Fataawa Khleeliya (3 Jild)
(2) Sunni Bahisti Zewar
(3) Maqaal-ul-Urafa
(4) Inkishaf e Haq
(5) Sharh Faisla Haft Mas'ala
(6) Hamara Islaam
(7) Hamari Namaaz
(8 ) Namaazen aur Duaen
(9) Jamaale Khaleel (Na’at shareef ka majmua).

****
Bai'at wa Khilaafat :
‾‾‾‾‾‾‾‾‾‾‾‾‾‾‾‾‾‾‾‾‾‾
Aap Hazrat Taaj-ul-Ulama Sayyed Shaah Aulaade Rasool Muhammad Miyan Barkaati Marehrawi rahmatullāhi alaihi ke mureed hain.
Hazrat Ahsan-ul-Ulama Sayyed Shaah Mustafa Haidar Hasan Barkaati Marehrawi rahmatullāhi alaihi ne Aap ko khilaafat ata farmai hai.
Hazrat Mufti e aazam e Hind Muhammad Mustafa Raza Khan Bareilwi rahmatullāhi alaihi ne bhi Aap ko khilaafat ata farmai hai.

****
Aap ka wisaal 28 Ramazaan 1405 Hijri (18 June 1985 A.D.) ko baroz Mangal 65 saal ki umr me hua.

****
Aap ki namaaze janaaza Hazrat Allama Mufti Muhammad Waqaar-ud-deen Razawi rahmatullāhi alaihi ne padhai.

****
Aap ka mazaar Hyderabad (Sindh, Pakistan) me Hazrat Sayyed Abdul Wahaab Shaah Jilani ki dargaah ke sahen me hai.

****
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Allama Mufti Muhammad Khaleel Khan Barkaati rahmatullāhi alaihi aur tamaam Auliya Allāh ke waseele se
Sab ko mukammal ishqe Rasool ata farmae aur Sab ke Eimaan ki hifaazat farmae aur Sab ko ikhlaas ke saath nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen. ओपन / कमेंट

2023-04-26 13:45:52 Photo from Aabid Sabri ओपन / कमेंट

2023-04-26 10:35:02 Audio from Aabid Sabri ओपन / कमेंट

2023-04-26 10:34:36

Eid Aayegi To Ramzan Chala Jayega
Firse Gaflat Me Musalman Chala Jayega

05:07


Aawaz jameel akhtar shafeeq


Asgar Ali Razvi Masudi

ओपन / कमेंट

2023-04-26 07:32:23 Video from Aabid Sabri ओपन / कमेंट

2023-04-25 17:22:50 • *SULTANAT KI KEEMAT* «•
   ***
*HIQAYAT*
      **
Hazrat Khalifa Haroon Rashid Rehmatullah Ta'aala Alai Ulma Ko Bahoat Dost Rakhte The! Darbar May Ulma Ka Majma Har Waqt Rahta Tha!

Ek Martaba Pani Pine Ke Waaste Mangwaya! Mooh Tak Legaye! Pina Chahte Ki Ek Aalim Sahab Ne Farmaya, Amirul Momineen! Zara Tehriye! Main Ek Baat Puchna Chahta Hoon, Fauran Khalifa Ne Hath Rok Liya!

Unohne Farmaya Ki Agar Aap Jungal May Ho Aur Pani Mayassar Na Ho, Pyaas Ki Shiddat Ho To Itna Pani Kis Qadr Keemat Deker Kharidege? Farmaya, Wallah! Aadhi Sultanat Deker! Farmaya, Bas Pi Lijiye! 

Jab Khalifa Ne Pani Pi Liya Tab Unohne Farmaya Agar Yeh Pani Nikalna Chahe Aur Na Nikal Sake To Kis Qadr Keemat Deker Iska Nikaalna Moal Lege! Kaha Wallah! Puri Sultanat Deker! 

Irshad Farmaya, Bas Aapki Sultanat Ki Haqiqat Yeh Hain Ki Ek Martab Ek Chullu Pani Per Aadhi Bik Gayi Aur Dusri Martaba Puri! Isper Jitna Chahe Takabbur Ker Lijiye!

(Malfuzaat Aala-Hazrat, Jild-3, Pg-36)

*****
*SABAK*
       ****
Duniya Aur Saari Duniya Ki Sultanat Faani Hain! Isper Kabhi Fakr Wa Guroor Nahi Karna Chahiye!
*****
*Ajaz Ahmed* ओपन / कमेंट

2023-04-25 14:26:23 Hazrat Khwaja Siraaj-ud-deen Uṡmaan urfe Akhi Siraaj rahmatullāhi alaihi :


****
Laqab :
‾‾‾‾‾‾‾‾
Aa'ina e Hind (Mirror of India).

*****
Aap ki wilaadat Gaur [Lakhnauti], Bengal me hui.

*****
Aap safar karke Delhi tashreef le gaye aur Hazrat Khwaja Nizaam-ud-deen Auliya rahmatullāhi alaihi ke mureed hue.

Hazrat ke farmaan par Hazrat Shaikh Fakhr-ud-deen Zarradi rahmatullāhi alaihi ne Aap ki ta’aleem shuru ki aur Aap ko 6 mahine me Aalim banaane ka wa’ada kiya. Is ke baad Aap ne Maulana Rukn-ud-deen se Kaafiah, Mufassal, Quduri aur Majmua-ul-Bahrain ki ta’aleem haasil ki.

Aap Hazrat Khwaja Nizaam-ud-deen Auliya ke shuruat ke mureedo me se hain Aap Peer ki khidmat me 4 saal tak rahe.
Aap saal me ek baar apni waalida se mulaaqaat ke liye apne watan jaate the.

*****
725 Hijri (1325 A.D.) me apne wisaal se pehle Khwaja Nizaam-ud-deen Auliya ne Aap ko Bengal jaakar Islaam ki isha’at karne ke liye farmaya.
729 Hijri (1329 A.D.) me Sultaan Muhammad bin Tughlaq ke zamaane me Aap Gaur (Lakhnauti) aaye aur khaanqaah ki ta’ameer ki.
Kuchh waqt baad Aap ne Langar jaari kiya aur miskeeno aur mohtaajo ko khaana khilaana shuru kiya.
Aap se Bengal me Chishtiya silsila ki shuruat hui.

*****
Tasannif :
‾‾‾‾‾‾‾‾‾‾‾‾
Aap ki likhi hui mash'hoor kitaaben :
(1) Meezaan-us-Sarf,
(2) Hidaayat-un-Nahaw,
(3) Panchaganj.

*****
Aap Hazrat Khwaja Nizaam-ud-deen Auliya Chishti rahmatullāhi alaihi (Delhi) ke mureed aur khalifa hain.

Aap se ‘Chishti (Nizaami) Siraaji’ silsila jaari hai.
Aap ke khalifa Hazrat Makhdoom Ala-ul-Haq Pandawi rahmatullāhi alaihi hain.

*****
Aap ka wisaal 758 Hijri (1357 A.D.) me hua.

Aap ka Urs 1 Shawwaal ko manaaya jaata hai.

**
Aap ka mazaar Gaur (Bengal) me hai.
****
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Siraaj-ud-deen Uṡmaan Akhi Siraaj rahmatullāhi alaihi aur Tamaam Auliya Allāh ke waseele se
Sab ko mukammal ishqe Rasool ata farmae aur Sab ke Eimaan ki hifaazat farmae aur Sab ko ikhlaas ke saath nek amal karne ki taufiq ata farmae
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen. ओपन / कमेंट

2023-04-25 14:26:20 Photo from Aabid Sabri ओपन / कमेंट

2023-04-25 12:07:08 ● *HAZRAT DAANIYAAL ALAIHI SALAM* ●    
*****
*HIQAYAT*
      **
Huzoor *SALLALLAHU-TA'AALA-ALAIHI-WA-AALEHI-WASALLAM* Ne Irshad Farmaya Ki Daaniyaal Alaihi Salam Ne Apne Rab Se Yeh Dua Ki Thi Ki Ineh Mohammad *SALLALLAHU-TA'AALA-ALAIHI-WA-AALEHI-WASALLAM* Ki Ummat Dafn Kare!

Jab Musa Ash-ari Radi-Allahu-Ta'aala-Anhu Ne Qeela Tashtar Fatah Kiya To Unohne Hazrat Daaniyaal Alaihi Salam Ko Unke Taaboot May Is Haal May Paya Ki Unke Tamaam Jism Aur Gardhan Ki Sab Ragen Barabar Chal Rahi Thi!

(Al-Bidhaya-Wannihaya Jild-2, Pg-4)

******
*SABAK*
       ****
*ALLAH* Ke Paighamber Zinda Hain! Sekdon Saal Guzar Jane Ke Baad Bhi Unka Jism Mubarak Sahi Saalim Rehta Hain!

Fir Jo In Sab Paighambaron Ke Sardar Huzoor *SALLALLAHU-TA'AALA-ALAIHI-WASALLAM* Ko Bhi Marker Mitti May Mil Jane Wala Likh De! *(Maaz-ALLAH)* Iski Gumrahi Wa Murda Dili May Kaun Shak Kar Sakta Hain?

*******
*AJAZ AHMED ASHRAFI* ओपन / कमेंट