2023-04-14 17:04:35
#Ramzan_Special_Part_43
*Mas'ala*
Wajib Aitekaf (Minnat Ka Aitekaf) Me Motakif Ko Masjid Se Nikalna Haram Hai, Agar Bagair Uzr Nikla To Aitekaf Toota Agarche Bhool Se Hi Nikla Ho, Yun Hi Aitekafe Sunnat (Ramzan Ke Akhri Ashre Ka Aitekaf) Me Bhi Bila Uzr Nikalne Se Aitekaf Toot Jata Hai.
_Alamgeeri, Volume-1, Page-211_
*Mas'ala*
Aurat Ne Masjide Bait (Ghar Me Wo Hissa Jo Aurat Ne Apni Namaz Padhne Ke Liye Banaya Ho) Me Sunnat Ya Wajib Aitekaf Kiya Aur Wahan Se Bila Uzr Nikli To Aitekaf Toot Gaya.
_Alamgeeri, Volume-1, Page-212_
Motakif (Jisne Aitekaf Kiya) Ko Masjid Se Nikalne Ke 2 Uzr (Wajah) Hain.
*Mas'ala*
1> Hai Taba'ee Hajat, Jaise Pakhana Peshab Istinja Wazu Aur Gusl, Agar Masjid Me Wazu Aur Gusl Ke Liye Bana Ho To Ab Bahar Jana Jayez Nahi Gaya To Aitekaf Toota.
2> Shari Hajat, Masa'lan Eid Ya Juma Ke Liye Jana Ya Azan Kehne Ke Liye Minare Par Jana.
_Durre Mukhtar, Volume-3, Page-501_
*Mas'ala*
Qazaye Hajat (Pakhana Peshab) Ko Bahar Gaya To Farig Hote Hi Chala Aaye Thaherne Ki Ijazat Nahi, Motakif Ke 2 Makan Hain Eik Masjid Se Door Aur Eik Nazdeek To Nazdeek Ke Makan Me Jaye Baz Mashayekh Farmate Hain Agar Door Ke Makan Me Gaya To Aitekaf Toot Gaya.
_Raddul Mohtar, Volume-3, Page-501_
*Mas'ala*
Aisi Masjid Me Aitekaf Kiya Jahan Jamat Se Namaz Na Hoti Ho To Namaze Ba-Jamat Ke Liye Dusri Masjid Me Jane Ki Ijazat Hai.
_Bahar-E-Shariat, Hissa-5, Page-1024_
To Be Continued=>
*Kaleem Hanfi Razvi*
88 views14:04