चैनल का पता:
श्रेणियाँ:
कोटेशन
भाषा: हिंदी
ग्राहकों:
5.18K
चैनल से विवरण
Koottaa Mana walaloo keessa nu waliin jiraadhaa. Yaada qabdan kamiyyuu @Haadhabot irraan nuuf erguu dandeessu.
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
0
2 stars
0
1 stars
3
नवीनतम संदेश 4
2022-02-10 20:51:36
Kan na marse keessaa
harki caalan isaa
Keessaa summii baatee
fuula isaa ibsaa
Gammaduu koof maraatee
boo'uu kootti kolfaa
Imimmaan koo arguuf
madaa kiyya horfaa
Jiruu isaa dhiisee
anaaf rafuu dhaba
Na kuffisuuf yaadee
gufuu kiyyaan caba
Seeqa koo dhaamsudhaaf
maalumaaf jarjaruu?
Gita waan hin qabneef
kolfa koon gurguruu
#Share
@Haadhawalaloo
8.7K views17:51
2022-02-07 17:39:02
Galata Waaqayyoo
galata rabbii
bu'aa ba'ii hedduu
darbeen jira darbii
Iyyaafataa dhabnee
hin hafne karaatti
Beelaaf harka laannee
hin sagadu garaatti
Jabaadhee tiradhee
har'a ga'e kunoo
Darbeera kaleessa
barri gaddaa sunoo
Fira kan fakkaatu
dhibba miti kuma
Inni hin jijjiiramne
galatoomi Uumaa
#Share
@Haadhawalaloo
7.9K views14:39
2022-01-31 20:26:41
Osoo ta'ee akka garaa
gaarii ta'a hundi baraa
Osoo ta'ee akka hawwii
Hin mul'atu kan koo qaawwii
Osoo ta'ee akka onnee
gad hin jennu qaata boonnee
Sila maal godharee'n ta'uu
riqicha malee akkamiin ce'uu
Riqichi keenyahoo qaata cabee
hirreen tokkummaadhaa dabee
fayyaan qabnu achii qabee
#Share
@Haadhawalaloo
8.6K views17:26
2022-01-30 10:02:46
Quuqamaa fakkaachuf
inni watawattu
Afaanin Oromoo
gochaan kan saggaxxuu
Dhama raasta malee
Bu'aa hin argattu
Inni afaan bal'attee
na arrabsuuf kaattu
Maalif akaakayyuu kee
waan kanan gaafattu?
Hibboon "Namichi mataa moluu mana foonii seenee"
maalif safuudhan jettu?
Anaan quuqamaa koo
Anaan yaa abbaa safuu
si mitii "suura kee qullaa naaf ergi" jedhee
kan dhudhuufu
#Share
@Haadhawalaloo
7.8K views07:02
2022-01-25 17:14:21
"Imaammiyyee suuta
maaloo'n jarjarinaa
Addunyaa gubaa kanatti
gubaan dabalinaa"
Jedheen itti hasaasee
xinnooshee qaana'aa
Seeqa lakkisani
natti as naanna'aa
"Fedhee miti namni
raqa kan ulatu
Fayyaan namni yoomuu
seexanan jaalatu
Sababa kanaani
kanan akkas ta'ee
Keessaa ba'uuf ammoo
gaara natti ga'ee"
Deebii jedhu ture
kanan eege irraa
Faallaa kanaa ta'e
deebin akka carraa
Aayyoon kun bookkisaa
sagal qaqabsiisaa
sagal ammoo dhaamsaa
"Raqni raqarra osoo jiraatuu
raqa hin balfatuu"
#Share
@Haadhawalaloo
8.2K views14:14
2022-01-24 11:12:59
Karaa dheeraan deema
galmi koo fagoodha
Kaayyoo jabaan qaba
abjuun koo guddaadha
Gaafa kaayyof baatu
qoreen ni baayyata
Waa alaa waa manaa
hundumtuu qormaata
An garuu kutadhee
jalqabeera deeemsa
Qoreen waraanamaa
dhukkuba koo obsaa
Ilaali ija koo
sodaa takkaan qabu
Humni namaa kamuu
tasayyuu nan dhaabu
Galma koo ga'uudhaf
deemsi itti fufa
Barri baraan darbee
dukkanni ni ifa
kayyoo kiyyaaf jedhee
nan ta'a waan ta'u
Duta sareef jedhee
mormi koo'n naanna'uu
Waca gandee ammoo
gurri koo'n dhaga'uu
#Share
@Haadhawalaloo
6.9K views08:12