2022-05-04 15:48:54
*કેમ વર્લ્ડ પ્રેસ ફ્રીડમમાં ‘વિશ્વગુરુ’ 150માં સ્થાને છે?*
લોકશાહી માટે અભિવ્યક્તિ સ્વતંત્રતા જરુરી છે. બન્ને એકબીજાના પૂરક છે. 3જી મે-વિશ્વ પ્રેસ સ્વતંત્રતા દિવસ-World Press Freedom Day.
આનો હેતુ દુનિયામાં પ્રેસની આઝાદી માટે જાગૃતિ ફેલાવવાનો છે.
નોર્વે પ્રેસની આઝાદીમાં ટોચ ઉપર છે. એ પછી ફિનલેન્ડ /ડેનમાર્ક છે.
વર્લ્ડ પ્રેસ ફ્રીડમ ઈન્ડેક્સ- 2022માં 180 દેશોમાં ભારતનું સ્થાન 150મું છે !
2016માં 132મું/ 2018 માં 138મું અને 2021માં 142મું સ્થાન હતું !
*શા માટે ભારત 180 દેશોમાં; 150માં સ્થાને છે?*
[1] ભારતમાં લોકશાહી છે પરંતુ સત્તા સામે અવાજ ઉઠાવનારાઓને *રાજદ્રોહ* ના ગુનામાં જેલમાં ધકેલવામાં આવે છે. IPC કલમ-124A (Sedition-રાજદ્રોહ)નો દુરુપયોગ થાય છે.
[2] સત્તાની તરફેણમાં ઉશ્કેરણી જનક ભાષણો કરનાર સામે પોલીસ કાર્યવાહી કરતી નથી ! અથવા ન છૂટકે દેખાડા પૂરતી જ કાર્યવાહી કરે છે. નફરત/ધૃણા ફેલાવનાર જામીન ઉપર હોય છે અને જામીનની શરતોનો ભંગ કરી ઉશ્કેરણી જનક ભાષણો કરનારને પોલીસ રોકતી નથી; કેમકે તેઓ સત્તાપક્ષનો એજેન્ડા ચલાવતા હોય છે !
[3] સત્તાપક્ષની આલોચના કરનારને દેશદ્રોહી ચીતરવામાં આવે છે. સત્યની તરફેણ કરનારાઓને સત્તાપક્ષના IT Cellની ટ્રોલ્સસેના દ્વારા હુમલો કરવામાં આવે છે ! વિપક્ષના નેતાનું ચરિત્રહનન કરવામાં આવે છે અને વડાપ્રધાનને ‘દિવ્ય અવતાર’/‘ઈશ્વરીય અવતાર’ તરીકે રજૂ કરવામાં આવે છે !
[4] ગોદી મીડિયા હંમેશા સત્તાપક્ષની/વડાપ્રધાનની આરતી ઉતારે છે અને વિપક્ષને પ્રશ્નો પૂછે છે !
[5] કોર્પોરેટ મીડિયા લોકોની સમસ્યાની ચર્ચા કરવાને બદલે ભારત વિશ્વગુરુ છે, તેવો ભ્રમ ઊભો કર્યા કરે છે.
[6] રાફેલ કટકી કૌભાંડ/પેગાસસ મુદ્દે સુપ્રિમકોર્ટ પણ કંઈ કરી શકી નથી ! વડાપ્રધાન ચોક્કસ કોર્પોરેટ મિત્રોને સરકારી મિલકતો આપી રહ્યા છે, તે અંગે મુખ્ય મીડિયામાં આલોચના જોવા મળતી નથી !
[7] વંચિતો/આદિવાસીઓનો અવાજ ઊઠાવનાર/માનવ અધિકાર માટે લડત આપનાર એક્ટિવિસ્ટને અર્બન નક્સલ/માઓવાદી ચીતરીને જેલમાં પૂરવામાં આવે છે. સુધા ભારદ્વાજ/ફાધર સ્ટેન સ્વામી તેના ઉદાહરણ છે.
[8] પત્રકારોને પોલીસ સ્ટેશનમાં દિગમ્બર કરવામાં આવે છે. આકાર પટેલ/રાણા અય્યૂબને વિદેશ જતા રોકવામાં આવે છે. ED મારફતે એમનેસ્ટી ઈન્ટરનેશનલ ઈન્ડિયાને જ તડિપાર કરી દીધી !
ચમત્કાર તો જૂઓ :
World Press Freedom Index/
World Happiness Index/
World Democracy Index/
World Hunger Indexમાં ભારત સાવ પાછલા સ્થાને છે; છતાં તેના વડાપ્રધાન વિશ્વના શ્રેષ્ઠ PM છે તેવું વાજુ વગાડવામાં આવે છે.
-- રમેશ સવાણી,
પૂર્વ આઈ જી પી
1.1K views12:48