आजचा कृषी सल्ला वेल वर्गीय पिके काळा करपा, केवडा (डाऊनी मिल्ड | कृषिक अँप Krushik app
आजचा कृषी सल्ला
वेल वर्गीय पिके
काळा करपा, केवडा (डाऊनी मिल्ड्यू) रोगांचा प्रादुर्भाव दिसून आल्यास, नियंत्रणासाठी मॅन्कोझेब (७५ डब्ल्यूपी) २.५ ग्रॅम किंवा कॉपर ऑक्झिक्लोराइड (५० डब्ल्यूपी) २.५ ग्रॅम किंवा मेटॅलॅक्झिल अधिक मॅन्कोझेब (७२ डब्ल्यूपी) (संयुक्त बुरशीनाशक) २.५ ग्रॅम किंवा फोसेटील एएल (८० डब्ल्यूपी) २.५ ग्रॅम प्रति लिटर पाण्यात मिसळून फवारणी करावी. आवश्यकतेनुसार पुढील फवारणी १० दिवसांच्या अंतराने करावी.
जिवाणूजन्य करपा रोगाचा प्रादुर्भाव दिसून आल्यास, नियंत्रणासाठी कॉपर ऑक्झिक्लोराइड (५० डब्ल्यूपी) २.५ ग्रॅम अधिक स्ट्रेप्टोमायसीन ०.१ ग्रॅम प्रति लिटर पाणी या प्रमाणे फवारावे.
कांदा-लसूण
रांगड्या कांद्याचे उभे पीक
नत्राचा पहिला हप्ता १४ किलो प्रति एकर या प्रमाणात पुनर्लागवडीनंतर ३० दिवसांनी द्यावा. पुनर्लागवडीनंतर ४० ते ६० दिवसांनी खुरपणी करावी. नत्र खताचा दुसरा हप्ता १४ किलो प्रति एकर या प्रमाणात पुनर्लागवडीनंतर ४५ दिवसांनी द्यावा. सूक्ष्म अन्नद्रव्य मिश्रण (ग्रेड-२) ५ ग्रॅम प्रति लिटर पाणी या प्रमाणात पुनर्लागवडीनंतर ३०, ४५ आणि ६० दिवसांनी फवारणी करावी.
पीक संरक्षण
काळा करपा नियंत्रण (फवारणी प्रति लिटर पाणी) –
बेनोमिल २ ग्रॅम किंवा मॅंकोझेब २ ग्रॅम
जांभळा व तपकिरी करपा नियंत्रण (फवारणी प्रति लिटर पाणी) –
ट्रायसायक्लॅझोल १ ग्रॅम किंवा हेक्साकोनॅझोल १ मि.लि.
फुलकीडे नियंत्रण (फवारणी प्रति लिटर पाणी) –
कार्बोसल्फान २ मि.लि. किंवा प्रोफेनोफॉस १ मि.लि.
महाराष्ट्रातील प्रमुख बाजारपेठेतील शेतमालाचे बाजारभाव जाणून घेण्यासाठी आजच कृषि विज्ञान केंद्र, बारामतीचे मोफत कृषिक अॅॅप पुढे दिलेल्या लिंक वरून त्वरित डाऊनलोड किंवा अपडेट करून घ्या.
https://play.google.com/store/apps/details?id=com.rtc.krushik&showAllReviews=true
