KBS ရုပ်သံက ၎င်းင်း၏ထုတ်လွှင့်မှုများတွင် ကင်ဆေးရွန်၊ ရှင်ဟီဆောင်းနှင့် ရာဗီတို့ကို ဆိုင်းငံ့
ကင်ဆေးရွန်၊ ရှင်ဟီဆောင်းနှင့် ရာဗီတို့၏ လတ်တလော အငြင်းပွားဖွယ်ကိစ္စရပ်များကြောင့် KBS ရုပ်သံက ၎င်း၏ ထုတ်လွှင့်မှုများတွင် ၎င်းတို့ကို ဆိုင်းငံ့ရန်ဆုံးဖြတ်ခဲ့သည်ဟု KBS ၏ ရုပ်သံထုတ်လွှင့်ရေးစည်းမျဉ်း စိစစ်ရေးကော်မတီက ထုတ်ဖော်ပြောကြားခဲ့သည်။
ယင်းကော်မတီသည် တရားမဝင် သို့မဟုတ် ကျင့်ဝတ်နှင့်မညီသည့် လူမှုရေးဆိုင်ရာ အငြင်းပွားမှုများရှိသည့် နာမည်ကျော်များကို KBS ရုပ်သံတွင် ဖော်ပြရန်သင့်၊ မသင့် ဆုံးဖြတ်သည့်အဖွဲ့ဖြစ်သည်။
လွန်ခဲ့သည့်မေလက ကင်ဆေးရွန်သည် အရက်မူး၍ ကားမောင်းသည့်စွဲချက်များဖြင့် ဝမ်သန်း ၂၀ ဒဏ်ကြေးချမှတ်ခံရပြီး Shinhwa ၏ ရှင်ဟီဆောင်းက လွန်ခဲ့သည့်အောက်တိုဘာလတွင် အရက်သောက်၍ကားမောင်းမှုဖြင့် ဖမ်းဆီးခံရသော်လည်း စစ်ဆေးခံရန်ငြင်းဆိုခဲ့သည်။
ရာဗီကမူ စစ်မှုထမ်းဆောင်သည့် အက်ဥပဒေကို ချိုးဖောက်မှုစွဲချက်များဖြင့် ရင်ဆိုင်နေရပြီး KBS က ၎င်းကို ယာယီကန့်သတ်ချက် ထုတ်ပြန်ထားသည်။
