उन्हाचा चटका कायम राहणार सौजन्य : अॅग्राेवन दिनांक : 05-Ma | कृषिक अँप Krushik app

उन्हाचा चटका कायम राहणार

सौजन्य : अॅग्राेवन
दिनांक : 05-May-22
पुणे : देशाच्या विविध भागात आलेली उष्ण लाट कमी होत असतानाच राज्यातही कमाल तापमानात चढ-उतार सुरू आहेत. बुधवारी (ता. ४) सकाळपर्यंतच्या २४ तासांत विदर्भातील वर्धा येथे देशातील उच्चांकी ४४.५ अंश सेल्सिअस तापमानाची नोंद झाली. आज (ता. ५) उत्तर महाराष्ट्र, पूर्व विदर्भात उष्ण लाटेचा इशारा असून, उर्वरित राज्यात उन्हाचा चटका कायम राहण्याचा अंदाज आहे.
उन्हाच्या झळांनी महाराष्ट्र हैराण झाला असून, विदर्भ, उत्तर महाराष्ट्रात उन्हाचा चटका अधिक असल्याचे दिसून आले आहे. दोन दिवसांपूर्वी विदर्भात ४६ अंशांपार गेलेले तापमान तब्बल दोन अंशांनी झाले असून, पारा ४४ अंशांच्या जवळपास आला आहे. वर्धा, चंद्रपूर, अकोला, ब्रह्मपुरी, तसेच उत्तर महाराष्ट्रातील मालेगाव येथे तापमानाचा पारा ४४ अंशांवर आहे. राज्याच्या कमाल तापमानात चढ-उतार सुरूच आहेत. उत्तर महाराष्ट्र, पूर्व विदर्भात उष्ण लाटेचा इशारा देण्यात आला आहे.
बुधवारी (ता. ४) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान (अंश सेल्सिअसमध्ये) : पुणे ३७.८, धुळे ४२.०, जळगाव ४२.८, कोल्हापूर ३६.६, महाबळेश्वर ३०.६, मालेगाव ४४.०, नाशिक ३७.३, निफाड ३७.८, सांगली ३८.२, सातारा ३८.६, सोलापूर ४२.०, सांताक्रूझ ३४.७, डहाणू ३५.४, रत्नागिरी ३४.२, औरंगाबाद ४०.२, परभणी ४३.८, अकोला ४४.२, अमरावती ४३.६, बुलडाणा ४१.४, ब्रह्मपुरी ४४.२, चंद्रपूर ४४.४, गोंदिया ४३.५, नागपूर ४३.५, वर्धा ४४.५
उपसागरात उद्यापर्यंत कमी दाब क्षेत्र : बंगालचा उपसागरात दक्षिण अंदमान समुद्राजवळ चक्राकार वाऱ्यांची स्थिती ��िर्माण झाली असून, या वाऱ्यांच्या प्रभावामुळे उद्यापर्यंत (ता. ६) या भागात कमी दाबाचे क्षेत्र तयार होण्याचे संकेत आहेत. रविवारपर्यंत (ता. ८) या प्रणालीचे तीव्र कमी दाब क्षेत्रात रुपांतरण होण्याची शक्यता आहे. यामुळे अंदमान बेटांवर जोरदार वाऱ्यासह, मुसळधार पावसाची शक्यता आहे. यातच विदर्भापासून तमिळनाडू पर्यंत हवेचा कमी दाबाचा पट्टा सक्रिय आहे.
अॅग्रीकल्चरल डेव्हलपमेंट ट्रस्ट संचलित कृषी विज्ञान केंद्र, बारामतीचे शेतकऱ्यांसाठी मोफत “कृषिक अॅप” खाली दिलेल्या लिंक वरून डाऊनलोड करा आणि हवामान अंदाज, कृषि व जोडधंदे सल्ला, बाजारभाव, तज्ञांचे लेख,कृषि गणकयंत्र, इतर कृषिविषयक उपयुक्त माहिती मिळवा.
https://play.google.com/store/apps/details?id=com.rtc.krushik&hl=en