* Hindutva Real Terrorist* *हिंदुत्व असली आतंकवादी* * | Hindutva Real Terrorist

* Hindutva Real Terrorist*
*हिंदुत्व असली आतंकवादी*


*خالد سیفی کی اہلیہ آپ سے کچھ کہہ رہی ہے !*

: سمیع اللہ خان

دہلی کی بدنام زمانہ منڈولی جیل میں قید مسلم راہنما خالد سیفی کی بیوی نے ویڈیو جاری کرکے امتِ مسلمہ سے یعنی کہ آپ سے، اپیل کی ہےکہ وہ ان کی مدد کریں ، ان کے شوہر کی جیل میں طبیعت بگڑ رہی ہے اور وہاں نہ ٹھیک طرح سے کھانا مل رہا ہے نا ہی علاج کی سہولیات میسر ہیں، ملت اسلامیہ کے اس مظلوم کی بیوی کو ملت سے اپیل کرنا پڑ رہی ہے، کیا ملت اسلامیہ اسے سن سکتی ہے؟ جس ملّت کی خاطر خالد سیفی زندان میں ہے کیا اسے خالد کی خبر ہے ؟
جب ملتِ اسلامیہ کے مظلوم اسیروں کے گھرانے ملت کو پکارتے ہوں تب کیا ہم پر کوئی ادنیٰ سی گنجائش بچتی ہے کہ ہم ایسے سنگین مسائل کو چھوڑ کر غیرضروری موشگافیوں میں اپنا وقت برباد کریں؟

این آر سی اور شہریت ترمیمی قانون کے خلاف احتجاج برپا کرنے کی وجہ سے جتنے بھی نوجوان گرفتار کیے گئے ہیں وہ سب مظلوم اور ہمارے محسنین میں سے ہیں، البتہ ان میں خالد سیفی وہ نام ہے جن کی اپنی ایک حیثیت تھی وہ سماجی شخصیت اور کاروباری حیثیت رکھنے والے مؤقر اشخاص میں شمار ہوتے ہیں، ایک ذمہ دار شہری اور باحیثیت شخص کے لحاظ سے خالد سیفی کا اپنا بڑا ملی نیٹورک تھا، UAH یونائیٹڈ اگینسٹ ہیٹ سے وابستہ تھے، وہ مسلمانوں کے ہر ملّی قضیے میں سب سے پہلی صف میں سرگرم رہے، ماب لنچنگ، آسام میں این آر سی، ہندوستان میں شہریت ترمیمی قانون، گائے کے نام پر ماب لنچنگ سے لیکر ہر جگہ تک وہ متحرک رہے اور بے لوثی سے جدوجہد کرتے رہے، وہ مظلوموں کے لیے ایک بڑا سہارا بن چکے تھے
*ہندوتوا پولیس اور حکومت اس شخصیت کو مکمل طور پر توڑنا چاہتی ہیں، اور ہر سمت سے کمزور کرنے کے لیے کوشاں ہے، انہیں دہلی فسادات کے الزام میں جیل میں ڈال کر پولیس کے وحشیانہ تشدد اور ظلم و ستم کا نشانہ بنایا گیا، ان کے دونوں پیر تک توڑ دیے گئے تھے، اور آج وہ جیل میں سخت بیماری کے حال میں پڑے ہوئے ہیں، کوئی خبرگیری کرنے والا تک نہیں ہے !*

آج یہ خاتون اپنے شوہر کی خاطر انصاف مانگنے سڑک پر آتی ہے تو کبھی بےبسی سے ملت اسلامیہ کو پکارتی ہے، کیا آپکو کبھی ان کے درد و کرب کا احساس ہوتا ہے ؟ ان کا قصور اتنا ہی ہیکہ انہوں نے ہندوستانی مسلمانوں کی آزادی، عزت اور حق کے لیے آواز اٹھائی انہوں نے ہماری دہلیز کی حفاظت کے لیے خود کو پیش کیا، انہوں نے ہم سب کی نسلوں کے لیے غلامی کے سمجھوتے کو قبول نہیں کیا، انہوں نے اپنی قوم کے بہتے ہوئے مظلومانہ خون کو بے غیرتی سے گوارہ نہیں کیا، انہوں نے مودی ، امیت شاہ اور بھاگوت کے ظالمانہ ایمپائر سے سمجھوتہ نہیں کیا ۔ ذرا اکیلے میں سوچیے گا کہ ہم نے بحیثیت ملتِ مسلمان اپنے ان جانبازوں کا کس قدر حق ادا کیا ہے؟ دو سال ہورہےہیں ہندوتوا کا بھوت انہیں سزا پر سزا دیے جارہاہے لیکن انہیں چھڑانے اور ان کی فیملی کو سنبھالنے کے لیے مسلمانوں کی اجتماعی طاقت نے کتنے مؤثر اقدامات کیے، خود ہی حساب لگا لیجیے، اب یہ وقت کی پکار ہےکہ ملتِ اسلامیہ خالد سیفی، شرجیل امام، عمر خالد سمیت ہر اُس مسلمان کو سنگھی جیلوں سے آزادی دلانے کے لیے مضبوط لائحہ عمل بنائے جنہیں این۔آر۔سی کی لڑائی لڑنے کی وجہ سے قید کیا گیا ہے، بہت دن ہوچکے ہیں، زندگیاں تنگ ہورہی ہیں ۔ اب وقت آ گیا ہے کہ ان جانبازوں کی رہائی کے لیے آگے بڑھا جائے ، ان جانبازوں کو ہندوتوا جیلوں میں اور ان کے اہلخانہ کو دنیا کی جیلوں میں برباد ہونے سے بچائیں ۔


*हिंदुत्व असली आतंकवादी*
*Official News Service*
https://telegra.ph/Hindutva-Real-Terrorist-Official-channels-02-03