Photo Essay ■ ပုပ္ပားတောင်ကလပ်နှင့် ပုပ္ပားတောင်မကြီး ပုပ္ပားတောင်ကလပ်နှင့် ပုပ္ပားတောင်မကြီး သည် မန္တလေးတိုင်းဒေသကြီး ကျောက်ပန်းတောင်းမြို့နယ် ကျောက်ပန်းတောင်းမြို့၏ အရှေ့မြောက်ဘက် ၁၀ မိုင်ခန့်အကွာတွင် တည်ရှိပြီး ပုပ္ပားတောင်သည် ပဲခူးရိုးမ၏ မြောက်ဘက်စွန်းတွင် သီးခြားတည်ရှိနေသည့် တောင်တန်းကြီးဖြစ်သည်။ ပုပ္ပားတောင်ကလပ်သည် ပုပ္ပားတောင်မကြီး၏ အနောက်တောင်စွယ်တွင် ဆက်စပ်မှုမရှိဘဲ သီးခြားတည်ရှိနေသော ကျောက်တောင်ကြီးဖြစ်ပြီး ပုပ္ပားတောင်မကြီးနှင့် နှိုင်းဆလျှင် အမြင့်ပေ တစ်ဝက်ခန့်သာရှိသည်။ ပုပ္ပားတောင်ကလပ်သည် အမြင့်ပေ ၂၄၁၇ ပေရှိပြီး မတ်စောက်ကြောင်း၊ ပုပ္ပားတောင်အမြင့်မှာ ၄၉၈၁ ပေရှိသည်။ ပုပ္ပားတောင်မကြီးရှိ မီးတောင်ဟောင်းသည် ဘီစီ ၄၄၂ ခုနှစ်ခန့်က ပေါက်ကွဲခဲ့ကြောင်း၊ မီးတောင်ကြီးပေါက်ကွဲစဉ်က မီးတောင်၏ အဆို့ (Volcanic Plug) သည် ပုပ္ပားတောင်ကလပ်ဖြစ်လာသည်ဟု သတ်မှတ်ကြသည်။ ပုပ္ပားတောင်ကလပ်သည် လှေကားထစ်ပေါင်း ၇၀၀ ကျော်ရှိပြီး ဘုရားစေတီများ၊ ရိုးရာနတ်နန်းများ၊ ဓာတ်နန်းများ၊ အဘဘိုးမင်းခေါင်ရုပ်တုများကို တွေ့မြင်နိုင်ပြီး အစာတောင်းနေကြသည့် မျောက်များကိုလည်း တွေ့ရှိရသည်။ 1.6K views12:36