ஆசிரியர்களுக்கு ஒரு வார்த்தை... ஒரு வாழ்த்து! இன்று பட்டதாரி | ஆட்சித்தமிழ் ஐ.ஏ.எஸ் அகாடெமி

ஆசிரியர்களுக்கு
ஒரு வார்த்தை...
ஒரு வாழ்த்து!

இன்று பட்டதாரி ஆசிரியர்களுக்கான போட்டித் தேர்வு நடைபெறுகிறது.

இது முதல் தேர்வு என்பதால் நீங்கள் தயாரித்து வைத்துள்ளது என்னவோ அதுவே உங்கள் வெற்றிக்கு உதவும்.

கொள்குறி வகை வினாக்களுக்கு விடையளிப்பது என்பது அறிவு சார்ந்தது மட்டுமல்ல. அது புத்திசாலித்தனமானதும் கூட.

உங்கள் தயாரிப்பு முறை எப்படி இருந்தாலும் பரவாயில்லை...

முதலில் இந்த தேர்வில் வெற்றி பெறுவோம் என்று நீங்கள் மனதால் நம்ப வேண்டும்.

உங்கள் மனப்போக்கு என்னவோ அதுவே உங்கள் வெற்றிக்கான அடித்தளம்!

அதனால் உங்கள் வெற்றி உறுதி செய்யப்பட்டது என்று முதலில் உங்கள் மீதே உங்களுக்கு ஒரு நம்பிக்கையை உடனே உருவாக்கிக் கொள்ளுங்கள்! 

அந்த நம்பிக்கையுடன் புத்திசாலித்தனமும் இருந்தால்  நீங்கள் தான் வெற்றியாளர்!

ஆனாலும் ஒரு வார்த்தை உங்களுக்கு நான் சொல்கிறேன்...

'கொள்குறி' வினாக்களின்  'கொள்கை'யை 'குறி' வையுங்கள்!

ஆம்.

அதன் கொள்கை தான் என்ன?
அதன் கொள்கை
உங்களை குழப்புவது மட்டும் தான்!

அப்படியானால், நீங்கள் குழம்பாமல் தெளிவான மனநிலையில் இருந்தாலே போதும்.

உங்கள் வெற்றி உறுதியாகும்.

இது சத்தியம்!

ஆசிரியர்களுக்கு ஆட்சித்தமிழ் வாழ்த்துக்கள்...

அன்புடன்,
ச.வீரபாபு,
இயக்குநர்,
ஆட்சித்தமிழ் ஐ.ஏ.எஸ் அகாடமி, சென்னை-44.