2023-07-22 16:24:05
දන්නවද?
මේ ලෝකේ තියනවා ' study with me ' කියලා වීඩියෝ වර්ගයක්.
පහුගිය කාලේ මම විභාග වලින් මිරිකිලා තෙරපිලා හිටියේ. තවම ඉවරයක් නෑ ඒවගේ. ඒත් මම සතුටිං වැඩ කරන හැටි දැන් දන්නවා.
සතුටිං වැඩ කරන එකටම අදාල දෙයක් තමයි ' study with me ' කියන වීඩියෝ වර්ගයත්.
මුලිං මුලිං මම හැමදාම ඇහුවේ jazz music . සමහර දවස් තිබුනා දවල් රෑ නැතිව මගේ කාමරේ පැය දොලහා දහතුන එක දිගට you tube live යන jazz music play වුන.
Jazz music කියන්නේ ඔළුවට කරදරයක් නැති නිදහස් නිවහල් සංගීතයක්.
දවසක් මම අළුත් jazz music එකක් හොයද්දී මට අහඹුවෙන් ලැබුනා ' study with me ' video එකක් .
ලස්සන ඉර බැහැගෙන යන දර්ශනයක් පෙනෙන විදිහකට ජනේලයක් ලඟ වැඩ කරන කෙනෙක් විතරමයි ඒ දර්ශනයේ තිබුනේ.
ඊට අමතරව කරදරයක් නැති music එකක් play උනා.
සමහවිට මේක මට අළුත් දෙයක් වුනාට ඔයාලට අළුත් දෙයක් නොවෙන්න පුළුවන්.
හැබැයි අපි පාඩම් කරද්දී , තනියම ඉන්නවා වගේ feeling එක මේ video එකෙන් නැති වෙනවා වගේ මට දැනුනා.
එයත් වැඩ මමත් වැඩ වගේ මොකදෝ දෙයක් එතනදී දැනෙනවා.
සමහර වෙලාවට තනිවම අපිට ගෙදරදී පාඩම් කරන එක , පාඩම් කිරිමට අවධානය යොමු කරන එක අපහසු වෙන්න පුළුන්. මේ වීඩියෝ වලින් සිදු කරන්නේ අපිට පාඩම් කරන්න අධ්‍යන පරිසයක්, වට පිටාවක් සහ මානසික මට්ටමක් ඇති කරන එක.
මේ වෙද්දී. You tube හී ' Study with me ' වීඩියෝ වලට නැරඹුම් මිලියන ගනන් පසු කරමින් තියනවා.
සිසුන්ගෙන් මේ වීඩියෝ වලට මිලියන ගනන් නැරඹුම් වාර ලැබෙන්න හේතු කිහිපයක් තියනවා. ඒ අතරින් මේ වීඩියෝ වල Aesthetic vibe එකක් එකතු වෙලා තියන එක තමයි හොඳම හේතුව විදිහට පෙනියන්නේ.
බොහෝ වීඩියෝ වල ලෝක ප්‍රසිද්ධ pomodoro Timer භාවිතා කරන නිසා ඵලදායිතාවය වැඩි කියලත් මට හිතෙනවා.
අවසාන වශයෙන් මට කියන්න තියෙන්නේ ' Study with me ' වීඩියෝ අතිශයින්ම ප්‍රයෝජනවත් අවධානය යොමු කිරීමේ සහ ඵලදායීතාවය වැඩී කිරිමේ මෙවලමක්.
එක වතාවක් උත්සහ කරලා බලන්න.
ගෙදර ඉදලා තනියම පාඩම් කරන අයට මේ වැඩේ බොහෝ සාර්ථකයි කියලයි මට හිතෙන්නේ.
- හසිකා විජේතුංග -
5.3K views13:24
S
