* Hindutva Real Terrorist* *हिंदुत्व असली आतंकवादी* | Hindutva Real Terrorist

* Hindutva Real Terrorist*
*हिंदुत्व असली आतंकवादी*


*بھارت : ساڑھے تین ہزار سے زائد شہریوں کا بلقیس بانو کی حمایت میں بھارتی سپریم کورٹ کے نام کھلا خط*

*نئی دہلی : 10 مئی 2023ء*

بھارت میں خواتین سمیت 3500 سے زائد شہریوں نے بلقیس بانو کو انصاف فراہم کرنے کے مطالبے کی حمایت کرتے ہوئے بھارتی سپریم کورٹ کے نام ایک کھلے خط میں ان کے کیس کی سماعت میں تاخیر پر تشویش کا اظہار کیاہے۔
خبررساں ادارے کے مطابق بلقیس بانو عصمت دری اور اجتماعی قتل میں زندہ بچ جانے والی خاتون ہے جو 2002ء میں بھارتی ریاست گجرات میں مسلم کش فسادات کے دوران ان کی زندگی تباہ کرنے والے 11 مجرموں کی جیل سے رہائی کے بعد انصاف کے لیے لڑ رہی ہے۔ بھارتی سپریم کورٹ کے نام کھلے خط میں مجرموں کی رہائی کے خلاف بلقیس کی اپیل کی سماعت میں تاخیر پر تشویش کا اظہار کیا گیا۔ خط میں سوال اٹھایا گیا ہے کہ اگر سپریم کورٹ اس طرح کے کیس کی سماعت نہیں کرے گی تو بھارت میں ایک مظلوم خاتون کہاں جائے گی؟ دستخط کنندگان کی فہرست میں نامور مصنفہ اور سماجی کارکن سیدہ حمید ، تاریخ دان اور دانشور اوما چکرورتی ، مورخ اور ماہر تعلیم عرفان حبیب ، پیپلز یونین فار سول لبرٹیز کی صدر کویتا شریواستو ، معروف تھیٹر فنکارہ مایا کرشنا رائو ، سماجی کارکن انجلی بھاردواج ، سہیلی ویمن ریسورس سنٹرکی وینی سبرامنین ، جواہر لعل نہرو یونیورسٹی کی پروفیسر نویدیتا مینن اور نیشنل فیڈریشن آف انڈین ویمن کی جنرل سکریٹری اینی راجہ شامل ہیں۔بلقیس بانو نے اگست 2022ء میں اپنے مجرموں کی رہائی کے بعد ایک خط لکھا تھا جس سے بھارت میں ہزاروں شہری اور خواتین انصاف کی تلاش میں ان کی مدد کے لیے تیار ہوئیں۔ تقریباً 6,000 شہریوں نے بھارتی سپریم کورٹ سے اپیل کی کہ وہ اس معاملے کا نوٹس لے اور بلقیس کو انصاف فراہم کرے۔ بھارت بھر سے ہزاروں لوگوں نے سپریم کورٹ کے چیف جسٹس کو کھلے خطوط لکھ کر بلقیس بانو کے کیس میں عصمت دری کے مجرموں اور قاتلوں کو دی گئی معافی پر اپنی تشویش کا اظہار کیا۔



*हिंदुत्व असली आतंकवादी*
*Official News Service*
https://t.me/HindutvaTerror4