#الصلاة بعضكم راح يستغرب من هذا المنشور ،لكن هذا المنشور هو م | الدورات المجانية العلمي||الهيتي للتميز🩺
#الصلاة
بعضكم راح يستغرب من هذا المنشور ،لكن هذا المنشور هو من اعظم النصائح الي راح اقدمها الكم وقليل جدا الي يتطرق اله.
بسم الله
بدايةً راح اتكلم على صنفين من الاشخاص:
الاول: الي يصلون لكن يهمل بعض الاوقات(يكطع بالصلاة)
الثاني: التاركين للصلاة
بالنسبة للصنف الاول فنصيحتي الكم التزموا بصلاتكم ولاتهملوها ، خلوها من اولوياتكم باليوم.
(ببساطة: من تكتب جدولك اليومي خلي اوقات الصلاة هي استراحتك وشوف وقت كل صلاة حسب مدينتك وثبتها كدامك)
اما الصنف الثاني فقبل لا انصحك افتحلي كلبك واقرأ الكلام واعتبرني اخوك الكبير او ابوك او اي شخص تتقبل منه الكلام ماشي
يلا اسمعني يا عيوني: الصلاة شيء جميل جدا،بيها راحة نفسية واطمئنان للضمير ورياضة للجسم ووو..الخ
اريدك تجرب هذا الشيء الجميل وتبدي بي من اليوم جرب تتوضأ وتصلي المغرب، انا متأكد راح تجيك راحة نفسية ...فجرب انو تستمر ع بعض الاوقات وخلي هاي الاوقات من اولوياتك وكل فترة جرب تضيف وقت اخر وادرجه وية اولوياتك ماشي؟
قبل لا اختم: اكو كثير من الاشخاص محافظين على الصلاة وبجميع اوقاتها، فأحب اكللكم استمروا
ختاماً: اللهم إنا نسألك الهداية والحفاظ على الصلاة والثبات دائما يارب•
مـصطـفى الـهيـتي
قناة الهيتي للتميز
@xd6xd6
